Beliebte Verse in Romaĉantyidyes 5

Teilen

Jenꞌ qui namꞌ jiꞌcaviyisinꞌ därsiꞌ mạꞌjitidyes muꞌ, meꞌ tsanꞌ jam jämꞌyity tsun, juchajĉandyemꞌ jiquej tsun, Cristo qui jiꞌijati tsundyesiꞌ.

Mọꞌ bisacdyeꞌ tsun jam raꞌ fibiꞌ mọꞌ shupquiꞌ, ĉaĉaij na muꞌ Jenꞌ mujuꞌchaꞌ mạꞌjisinꞌ tsun, yoj jisinꞌdyemꞌ Ạꞌedyeꞌ jiquej umꞌ, mọꞌ ñịbeꞌjisinꞌsiꞌ muꞌ Jenꞌ.

Meꞌ tsanꞌ ñịbedyes jịꞌĉojtyejaꞌ q̂uinꞌ tsun, maꞌjojaꞌ qui namꞌ bäꞌjaꞌ tsun, ĉaĉaij na aty chị́jaꞌ tsun mọꞌ ñịbedyes jịꞌĉojtyejaꞌsiꞌ tsun, mọꞌ ñútyisinꞌ paj qui tupuj dyichchutidyeꞌtum bäꞌjaꞌ tsun. Meꞌ bäꞌjaꞌ jụijyaꞌ tsun, mọꞌ maꞌjotyibusinꞌ muꞌ Jenꞌ, chị́jaꞌ muꞌ Jenꞌ meꞌ maꞌjotyisinꞌ jụijyaꞌ, mọꞌ yiꞌ paj qui maꞌjodyeꞌtum bisaĉaꞌ tsun.

Q̂uinꞌ aty rụij yuꞌsinꞌ Jenꞌ anicyedyeꞌyaꞌ tsun, mọꞌdyes q̂uinꞌ aty jämꞌjibudyiĉaꞌ Jenꞌyaꞌ tsun, ĉaĉaij na muꞌ Jesucristo Ayoꞌ tsun jämꞌ yuꞌbusinꞌ. Muꞌ c̣hẹiꞌyaꞌjisinꞌ Jenꞌyaꞌ anicyedyeꞌyaꞌ tsun, paj qui muꞌsiꞌ ñịbeꞌjitidyes räjĉan tsuncheꞌ buꞌyiꞌ. Q̂uinꞌ aty maꞌjodyeꞌtum bisjaꞌ tsun junꞌ chuc raꞌ Jenꞌyaꞌ tsun, där jämꞌsiꞌ jedyeꞌ soꞌmisinꞌ raꞌ muꞌ.

Jeshaꞌ jiquej tsun jam junꞌ ĉụiꞌ tupuj jiꞌc̣hontiĉaꞌ tsun, mọꞌ qui ayij tupudyeꞌ Jenꞌsiꞌ muꞌ, muꞌ Cristo mạꞌjitidyesyaꞌ muꞌ jiꞌijati ac̣hiꞌyitydyes muntyiꞌ tsun.

Jesucristosyaꞌ chäsh muꞌ Jenꞌ rụij yuꞌsinꞌ, jam mọꞌ mọmoꞌ, chimeꞌ muꞌ raꞌ meijjityisinꞌ vaꞌtacdyeꞌ Jenꞌsiꞌ muꞌ, paj qui jam tsuncheꞌ tŝọiꞌ mọꞌ.

Anicdye meꞌ, muꞌ yirity muntyiꞌ vaꞌquecbite jiquej Jenꞌsiꞌ p̂eyacdyeꞌ muꞌ, mọꞌ yiꞌ paj qui daiꞌ muntyiꞌ juchajtum shupqui in, chiyiritydye muꞌ Cristo chiquepte Jenꞌsiꞌ p̂eyacdyeꞌ muꞌ, mọꞌdyes qui daiꞌ muntyiꞌ rụij yụꞌtac shupqui in.

Jam mọꞌ mọmoꞌ, chimeꞌdye q̂uinꞌ aty maꞌjojaꞌ Jenꞌdyes, ĉaĉaij na muꞌ Jesucristo Ayoꞌ tsun muꞌ yuꞌsinꞌ tsun paj qui jämꞌjibujshaꞌ Jenꞌyaꞌ tsun.