Beliebte Verse in Santiagos 1

Teilen

Vojity, yụ jéyac miꞌin, meꞌ tsanꞌ jụꞌñis ĉụiꞌ yịjyi ñịbedyes jịꞌĉojtiñeꞌyaꞌ miꞌin, maꞌjodyeꞌtum ramꞌ jiꞌcajñetiñeꞌ. Miꞌin aty chịj muꞌ Jenꞌ ñịbedyesyaꞌ chäyibunac anicyedyeꞌ miꞌin. Jam farajjecajcatiñeꞌ mọꞌ anicyedyeꞌ miꞌin, jịꞌĉojtiñeꞌyaꞌ miꞌin mọꞌ ñịbedyes, mọꞌyaꞌ raꞌ chịj miꞌin tyumꞌchutidyeꞌtum bäꞌyi miꞌin.

Pạrej mọꞌyaꞌ tacaꞌ jayej dyijyedyeꞌ miꞌin, jemoñeꞌ cọdyetinte Jenꞌ, chat qui raꞌ muꞌ soꞌminac dyijyedyeꞌ rụijsis. Muꞌ soꞌmacsi räj muntyiꞌ in, mijam damꞌ quijatutacsi dyijyedyeꞌ soꞌmacsi, mijam chimeꞌ fạraꞌjeĉunacsi muꞌin cọdyetety in.

Mạꞌjeyacdyety vojity yụty miꞌin cavintum seꞌvaĉamꞌ miꞌin, jam qui na ramꞌ tashcheꞌ tashcheꞌyi p̂eyaqui miꞌin, mijam raꞌ cavintum fạ́coij tyeij miꞌin.

Jam raꞌ damꞌ farajjetiñeꞌ tyumꞌchutidyeꞌ miꞌin, meꞌ bäꞌyi jụijyaꞌ miꞌin, chat qui raꞌ jam jụꞌñiij Jenꞌsiꞌyaꞌ vej miꞌin, mijam qui raꞌ jayej ferdyeꞌ miꞌin chimeꞌ paj qui rụij bäꞌyi Jenꞌdyes miꞌin.

Jam seꞌvac mọmoꞌ mọꞌ p̂eyacdyeꞌ, jemoñeꞌ chicac, seꞌvetiñeꞌ jụijyaꞌ mọmoꞌ miꞌin, ĉụiꞌsiꞌ väñädyeꞌ shupqui miꞌin.

Anic maꞌjoij muꞌin jam peñity in jịꞌĉojtyeꞌyaꞌ in ñịbedyes. Aty meꞌsiꞌ jiꞌcajñeꞌyaꞌ in mọꞌ, Jenꞌ qui raꞌ yụꞌtacsi paj qui muꞌyaꞌ bäꞌyi in, mọꞌ raꞌ bijodyeꞌ muꞌin soꞌmacsis raꞌ Jenꞌ yódyetydyemꞌ mạꞌjetety u in.

Räj mọꞌ ñịbeꞌyedyes jämꞌsiꞌ meꞌchujaꞌsiꞌ tsun, räj mọꞌ mạyedyeꞌches jijtuiꞌ, Jenꞌ nash ñịbeꞌjisinꞌ tsun, muꞌ jämꞌtyety mạyedyeꞌches mạijyis. Muꞌ nash räjĉan buꞌyi, mijam damꞌ yocve dyijyi muꞌ, muꞌ Jenꞌ jam jeñej mạyedyeꞌches mạijyis in, pạrej jam mạijchusinꞌ in, muꞌ na Jenꞌ räjĉan muꞌ mạijchusinꞌ.

Tyi chuc seꞌvaquity mọmoꞌ tsanꞌ mọꞌ p̂eyacdyeꞌ Jenꞌsiꞌ muꞌ, jam qui namꞌ chiquepteyaꞌ, muꞌ meꞌtyity jeñej yirity muntyiꞌ ĉụiꞌ cavitity espejoĉan. Ĉụiꞌ caviti vejyaꞌ, aty meꞌsiꞌ camanꞌjebanꞌ, mijam damꞌ dyijyeban jụꞌñiij chuc vejyaꞌ jiquej, meꞌ buꞌyi muꞌ muntyiꞌ jam chiqueꞌtyiꞌ p̂eyacdyeꞌ Jenꞌsiꞌ.

Muꞌ Jenꞌ Ạvatusinꞌtyiꞌ tsun, muꞌ mạꞌjeꞌ paj qui tsun rụij cạpja jiꞌchäyitidyeꞌ muꞌ mijam cäj, meꞌ mạꞌjeꞌ muꞌ paj qui tsun nọ́tacsejaꞌ muꞌin säntaquity jenꞌ in judyeyaꞌ tseꞌ muꞌin judyeyaꞌ mọꞌin p̂en in säntaquis vämtyis in, mọꞌin ñịbeꞌ cạves in. Chimeꞌdye muꞌ Jenꞌ mạꞌjeꞌ paj qui jam ĉụiꞌ ac̣hiꞌtiĉaꞌ tsun aꞌc̣hisyaꞌ dyijyedyeꞌ jacches.

Junꞌsiꞌ chuc ayijyaꞌ jiꞌpenacdyes dyijyedyeꞌ, jam raꞌ yi miꞌin: "Jenꞌdye meꞌ soꞌmin yụ meꞌdyes mọꞌ jịꞌĉojtyeꞌ yụ", jam raꞌ meꞌ yi miꞌin. Muꞌ Jenꞌ jam tupuj joꞌmesyaꞌ jiꞌmaꞌyac aꞌc̣hisyaꞌ dyijyedyeꞌ, mijam muꞌ chimeꞌ joꞌmesyaꞌ jiꞌmaꞌyeyacsi aꞌc̣hisyaꞌ dyijyedyeꞌ. Jiꞌmaꞌyisinꞌ aꞌc̣hisyaꞌ dyijyedyeꞌ jụijyaꞌ tsun, mọꞌ jam yocves jijtuiꞌ dyijyedyeꞌ, ĉụiꞌtyiꞌĉan ĉojtyiꞌ tsun mọꞌĉan naꞌiꞌ.

Muꞌin ñịbety anicjetety Jenꞌ in, tupuj qui namꞌ maꞌjodyeꞌtum bäꞌyi in, ĉaĉaij na muꞌ Jenꞌ mujuꞌchaꞌ yụꞌtacsi.