Beliebte Verse in Tashches Pedros 2

Teilen

Miꞌin qui namꞌ tsimꞌtactyiꞌ Jenꞌyaꞌ, anic Jenꞌdyety miꞌin, jeñej buꞌyi cudyitity Jenꞌcheꞌ miꞌin, meꞌ carijtaqui Ayodyes miꞌin, judyeyaꞌ chimeꞌ ĉụiꞌtyiꞌ muntyiꞌ muꞌ, meꞌ buꞌyi pạrejjinac miꞌin. Muꞌ fayinac miꞌin judyeyaꞌ yuꞌnac miꞌin paj qui jịꞌchiqueyacsi muntyiꞌ miꞌin mọꞌ därsiꞌ mạꞌjitidyes muꞌ, junꞌ chuc muꞌ jiꞌc̣honnac miꞌin tojmadyeꞌĉan bäꞌyity jiquej miꞌin, q̂uinꞌ qui namꞌ yuꞌtyinac mạij buꞌyedyeꞌĉan miꞌin.

Muꞌdye Cristo ĉụiꞌsiꞌĉan aꞌ muꞌ cabusinꞌ juchaj tsun, croshcheꞌ ijac muꞌ, muꞌtum sänjaꞌ tsun paj qui aty jam junꞌsinꞌ juchaj tsun, paj qui rụij bäꞌjaꞌ Jenꞌdyes. Muꞌ nash jịꞌĉojtyeꞌ areꞌredyeꞌ tsundyesiꞌ paj qui tsạꞌ buꞌjaꞌ Jenꞌdyes. Miꞌin jiquej yojdyemꞌ moñis oveca o, meꞌ jiquej monꞌdyeꞌĉan bäꞌyi miꞌin, q̂uinꞌ qui namꞌ aty camanꞌyeban miꞌin Ayoꞌyaꞌ, q̂uinꞌ aty cäc̣häꞌchutinte, muꞌ nash ĉujcanac miꞌin judyeyaꞌ ñutsjinac chimeꞌ.

Tashcheꞌdyemꞌ jiquej miꞌin jam Jenꞌtyiꞌ miꞌin, q̂uinꞌ qui namꞌ aty Jenꞌtyiꞌ muntyiꞌ miꞌin. Tashcheꞌ jiquej jam ñịbeꞌ ĉúnac miꞌin, q̂uinꞌ qui namꞌ aty ñịbeꞌ ĉúbunac miꞌin.

Yojdyemꞌ joijnoꞌ u fer mạꞌjebiꞌ tseꞌsiꞌ tashin mọꞌ, meꞌdye miꞌin chimeꞌ fer mạꞌjebimac anicsis p̂eyacdyeꞌ Jenꞌsiꞌ muꞌ, mọꞌ jeñej buꞌyiꞌ säcsedyeꞌ paj qui p̂añi Jenꞌdyes miꞌin c̣honꞌdyeꞌĉan miꞌin.

Chätidyeꞌ mạꞌjeyacdyety yụ, miꞌin jam úĉandyety miꞌin, ọij jam ĉụiꞌsiꞌ bäꞌyedyeꞌ miꞌin. Mọꞌdyes yụ ferdyeꞌyaꞌ jéyac miꞌin, yacchuvac aꞌc̣his dyijyedyeꞌ aꞌsiꞌ miꞌin, mọꞌ räjĉan fáquitis jämꞌsiꞌtum dyijyedyeꞌ ạꞌedyes miꞌin. Jemoñeꞌ rụij bäꞌyi miꞌin muꞌinsiꞌyaꞌ vej muꞌin jam anicjetetyyaꞌ Jenꞌ in. Meꞌ rụij bäꞌyi jụijyaꞌ miꞌin, meꞌ raꞌ tsanꞌ ñäñinac in, väñädyeꞌyaꞌ jiꞌmeꞌtyinac in, muꞌin qui na raꞌ cavibunac in jämꞌsiꞌ dyijyedyeꞌ miꞌin, chat qui raꞌ aty ayijyaꞌ tupudyeꞌ, jịꞌcäts yụꞌtacsi raꞌ muꞌ Jenꞌ muꞌin raꞌ chimeꞌ timaꞌquete in miꞌindyes.

Meꞌ buꞌyidye miꞌin chimeꞌ jeñej buꞌyi tsạꞌtyiꞌ mij acadyety jämꞌtyes Jenꞌ, yóĉandyemꞌ bäꞌyiꞌ Ạꞌedyeꞌ umꞌ. Meꞌ buꞌjaꞌ tsun Jenꞌsiꞌ buꞌjaꞌ acaꞌ muꞌ, mọꞌdyes bäꞌjamꞌ Jenꞌdyes miꞌin junꞌ chuc muꞌ mạꞌjeꞌ. Jenꞌsiꞌyaꞌ vej muꞌ carijtaqui raꞌ miꞌin, jeñej buꞌyi cudyitity jiquej in muꞌcheꞌ, jam qui namꞌ cuꞌdyeꞌ soꞌmetinte, yocsiꞌdye tuyetinte miꞌin ĉojtyiꞌĉansiꞌ, mọꞌ maꞌjotyes Jenꞌ. Jesucristoscheꞌ tịj muꞌ, meꞌ soꞌmetinte.

Mọꞌdyes yacchuvac mọꞌ yoc yoc dyijyedyeꞌ aꞌc̣his miꞌin, judyeyaꞌ väñädyeꞌ chimeꞌ miꞌin, mijam raꞌ ac̣hiꞌ dyijyity miꞌin jämꞌ yuꞌti miꞌin, mijam raꞌ jịꞌfajquiyitidyeij dyijyedyeꞌ miꞌin judyeyaꞌ mijam raꞌ p̂iijtidyeij bäꞌyi miꞌin.

C̣hẹiꞌyaꞌjemac muꞌ Ayoꞌ, muꞌ jeñej buꞌyity mij tsạꞌchucsity. Yódyemꞌ muꞌin acaijtyiꞌ jiquej u in vaꞌquecte yirity acadyety mij in, meꞌdye chimeꞌ muntyiꞌ in meꞌjetedye muꞌin vaꞌquecte Ayoꞌ in. Muꞌ qui namꞌ Jenꞌ jatsimꞌti, anic yaꞌity Jenꞌsiꞌyaꞌ vej muꞌ.

Aty c̣honꞌdyeꞌĉan Jenꞌdyes miꞌin, aty jam úñedyeꞌĉan miꞌin. Meꞌ tsanꞌ meꞌ jam qui na ramꞌ cäj dyijyi miꞌin judyeyaꞌ yi miꞌin: "Jeshaꞌ, tsun aty c̣honjaꞌ, q̂uinꞌ junꞌ chuc mạꞌjejaꞌ bäꞌjaꞌ tsun tupuj meꞌ jämꞌtaĉaꞌ", jam raꞌ meꞌ yi miꞌin. Damꞌdye jämꞌ rụij bäꞌyi miꞌin, yojdyemꞌ Jenꞌtyiꞌ úñity umꞌ, meꞌ bäꞌjamꞌ.

Jenꞌ mạꞌjeꞌ paj qui rụij bäꞌyi miꞌin, paj qui meꞌ jiꞌc̣huꞌc̣huyacsebi p̂eyacdyeꞌ muꞌin itŝiꞌ jety dyijyedyeꞌ in.