Beliebte Verse in Malkus 13

Teilen

Kaam ina kinalammisan jaꞌ sina mintu meꞌ jama sikamimon sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.”

Sangkon iyakin kam. Subay ndang saddiya na kam, batan yaꞌ tatunaꞌ bi bong sumilan katakka ku ni sinōng.

“Na bila kam mintu tasungkub sampay pina-ntan pa huwis sinumariya, daa na kam hanggaw bong oy subay halling bi man ngandaawa. Luu du Rū Sutsiꞌ ngunungan kaam sampay muwanan kaam bitsala pataꞌ man nampung. Dari bitsala bi ina mintu lakka man Rū Sutsiꞌ, saꞌ na lakka man pamiki bi dī bi.

Indanan bi. Lanyap jaꞌ sina mintu gumi ka langit, sugaꞌ bong bitsala ku, yaꞌ baw situ kuhi baluba saumu-umu.

“Katakka ku ina mintu, yaꞌ kinatoonan meꞌ manusiyaꞌ bong llaw oy atawa lisag dangoy. San ga malaikat ndooy ni sulgaꞌ sampay aku, Anak Tuhan, yaꞌ du toon. Ilooy du toon yana Mmaꞌ ku.

“Pag taabut bi ina mintu kaakahan meka na bonoꞌ mehe ni kalahat-lahatan matā-matapit, daa doꞌ gundalaꞌ pamiki bi. Ndang bay silay ginantaꞌ meꞌ looy, sugaꞌ saꞌ gi baw lay katapusan junyaꞌ.

“Damikiyan, kaam pun, subay du kam iyakin mari kam saddiya sabap yaꞌ katoonan bi bong sumilan Papuꞌ bi, yana aku, pabeleng. Yaꞌ tatunaꞌ bi bong deꞌ kohap ka, tangngaꞌ bahangi ka, deꞌ subu ka sasang manuk tingkauk, atawa noy kallat subu na ka. Boꞌ katakka ku ina mintu talkadjut. Ilooy ilagan bi, taggahaꞌ lay na baw kam meꞌ karuha jama tuli takosa-kosa ni katakka ku. Sangkon batnaa ndang baan ta na kam sampay na sikamimon, basta subay kam iyakin.”

Bbos-bbos ina meka na kabangsa-bangsahan ka ga sultan sibonoꞌ-bonoꞌ. Maka meka na sina mintu kalahat-lahatan tuwaꞌ linug maka gotom. Sugaꞌ mimon balaꞌ meꞌ looy ilay mintu bohoꞌ panagnaan kamalasahiyan ma magkadarihan ni manusiyaꞌ bbos-bbos. Bong siꞌ dalil ta pa danda maddi, bohoꞌ nagnaꞌ paddi battong na.

Umanat mahap tuu itu ndang bay na ginantaꞌ subay duhuꞌ pinasampay ni mimon kabangsa-bangsahan, boꞌ taabut llaw kiyamat.

Batan bbos-bbos, meka sina mintu pasunuꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Boꞌ meka jama taboo da magsiꞌ.

“Na kuwan kaam ina, iyakin kam batan luu sina mintu masa bi sinungkuban sampay binoo gi sina kam pa mman baanan kapakihan nohoꞌ hinukum. Boꞌ llagpiꞌ gi kam ni pag-awpan siga jamaa ni siga langga da. Kasohean ina kam binoo gi pa awpan siga gubnul ka ga sultan nohoꞌ hinukum ninsila sabap meꞌ bi mmeꞌ niyaku. Sugaꞌ sabap meꞌ looy, luu na dapat bi masaplag umanat mahap ninsila.

Luu sina mintu pōꞌ mangaku bahasa sila na Almasi atawa disu nabi. Boꞌ mōꞌ gi sina mintu sila siga pabuwatan kahaylan-haylan mari luu jama takoleꞌ da binoo mmeꞌ ni tōꞌ da ma yaꞌ tuwaꞌ. Bong siꞌ ina mintu takaya da, sampay sagannap ma bay pineneꞌ meꞌ Tuhan sukuꞌ na boo da du magsiꞌ.

“Pasunuꞌ man kamalasahiyan meꞌ looy, ngalindom gi sina mataallaw maka buwan pun, yaꞌ na du ninag. Kuwan ga potean, maglatakan na sina mintu sampay mimon-mimon taꞌ langit njogjog na du.