Beliebte Verse in Malkus 12

Teilen

Tampung si Isa niiya, “Panohoan patingkat man sikamimon, yuk na meꞌ tuu: ‘Kaam bangsa Israil, pakale kam. Tuhan ina, yana Papuꞌ tabi, disu du. Subay ya kaasean bi ni pupus hilas atay bi sampay pa bigi-bigi jantung bi. Maka mimon pamiki bi ka mimon hulas-sangsāꞌ bi subay magbēꞌ ka aseꞌ bi niiya.’ Panohoan puntukan ni kaduwa na meꞌ tuu: ‘Kaasean bi pagkahi bi manusiyaꞌ sibuꞌ du ka aseꞌ bi ni dī bi.’ Yaꞌ na sina luu panohoan Tuhan mas hagaan man ituu siꞌ sikaduwa.”

Pag-anu, lay linganan si Isa ga mulit na pa bihing na, boꞌ na halling, “Baan ta kam banahan, san ilay siꞌ ga jama looy bay ngalabuꞌ sīn paeka, bong baw pa Tuhan, kalabihan gi sila meꞌ bawu danda naa ma miskin. Batan sila ilay ma bay muwan paeka, yaꞌ san takissa da batan bohoꞌ silay labi-labi sīn da. Boꞌ ni bawu naa ina, san ya miskin, lay na katis pamuwan na mimon sīn na halliꞌ man na magbalanjaꞌ.”

Pag-anu siꞌ, lay na baw si Isa ningkōꞌ ni tagan pangannaan santiliꞌ ndooy ni langga mehe. Na sasang na siꞌ maimanan baanan manusiyaꞌ ngalabuꞌ santiliꞌ da, takita na na meka jama dayahan, mehe-mehe jaꞌ pilak bay labuꞌ da. Yaꞌ hallom, luu bay pasōng disu bawu danda miskin ngalabuꞌ duwa sīn du.

Maka bana du subay ya kaasean ta ni pupus hilas atay ta sampay pa bigi-bigi jantung ta. Maka mimon pamiki ta ka mimon hulas-sangsāꞌ ta subay magbēꞌ ka aseꞌ ta niiya. Maka subay kaasean ta pagkahi ta manusiyaꞌ sibuꞌ du ka aseꞌ ta ni dī ta. Siga panohoan tuu itu siꞌ mas hagaan pa Tuhan man mimon kulban ka jakat sinongan pa mman na.”

Dari yuk si Isa ninsila, “Pagka meꞌ naa, oy-oy sukuꞌ Sultan Sisal, deanun bi iya. Damikiyan, oy-oy sukuꞌ Tuhan, deanun bi du Tuhan.” Pag takale da bitsala na, tud bay haylan sila ni tampung na.