Beliebte Verse in तीतस 1

Teilen

हुँक्र परमेश्‍वरह चिह्‍न्‍लक दाबी त कर्ठ, तर हुँकन्‍हक व्‍यवहारले हुँक्र परमेश्‍वरह इन्‍कार कर्लक बात देखैठन। हुँक्र घिनलग्‍टिक ओ अनाज्ञाकारी बाट, ओ कुछु असल काम कर जन्‍ना नैहुइट।

शुद्ध मन रहल मनैन्‍हक लाग सब चिज शुद्धह रठा। तर भ्रष्‍ट मन रहल ओ विश्‍वास नैकर्ना मनैन्‍हक लाग कुछु चिज फे शुद्ध नैरहट्‍, काकरकि हुँकन्‍हक मन ओ विवेक जो भ्रष्‍ट रठन।

ऊ सत्‍य शिक्षले औरजहन हौसला देह सेकहीँ, ओ यी बातक विरोध करुइयन्‍हक गल्‍ती फे देखादेह सेकहीँ कैक हुँकहीन सिखागैल् विश्‍वासयोग्य वचनम ऊ अडिग रहपर्ठा।

मण्‍डलीक अगुवा परमेश्‍वरक कामक रेखदेख करुइया हुइलकओर्से, ऊ निर्दोष जीवन जिएपर्ठा। ऊ जिद्दीवाल, झनक्‍क रिसाजैना, मत्‍वर्‍या, झगरगाँठ्‍या, या धनक लोभी हुइ नैपरट्‍। बेनसे ऊ आपन घरम आइल मनैन स्‍वागतसत्‍कार कर्ना, असल काम मन परैना, विचारशील, इमान्‍दार, पवित्र, ओ आत्‍मसंयमी हुइपर्ठा।

एल्‍डर निर्दोष जीवन जिएपर्ठा। ऊ एक्‍कठो गोसिन्या लेहपर्ठा, हुँकहार लर्कापर्का विश्‍वासी हुइपर्ठा, ओ खराब चरित्र रहल ओ कहल नैमन्‍ना बातक दोष लगैना ठाउँ रहल नैहुइपरट्‍।