Beliebte Verse in रोमी 8

Teilen

परमेश्‍वरह प्रेम कर्ना ओ उहाँक उद्देश्‍यअनुसार रोजगैल मनैन्‍हक हरेक बातम परमेश्‍वर भलाइ कर्ठ कना बात हमन थाहाँ बा।

काकरकि कौनो चिजले फे परमेश्‍वरक प्रेममसे हमन अलग कर नैस्‍याकट कैक मै ढुक्‍क बाटुँ। मृत्‍यु, वा जीवन, वा स्‍वर्गदूतहुँक्र, वा शासकहुँक्र, वा कौनो शक्ति, वा आबक, वा पाछक, वा उप्रक वा टरक, वा सारा सृष्‍टिक कौनो चिजले फे हमन परमेश्‍वरक प्रेममसे अलग कर नैस्‍याकट, जौन प्रेम परमेश्‍वर हमार प्रभु ख्रीष्‍ट येशूद्वारा हमन देखैल।

पवित्र आत्‍मा हमन कमजोरी अवस्‍थम सहायता कर्ठ। कसिक प्रार्थना करपर्ना हो, हमन थाहाँ नैरहलब्‍याला पवित्र आत्‍मा अपन्‍हे शब्‍दम कह नैसेक्‍जैना गहिँर सुस्‍केरम हमार लाग प्रार्थना कैदेठ।

यी बात विचार करबेर हम्र का कहसेक्‍ठी? परमेश्‍वर हमार पक्षम बाट कलसे हमार विरोधम के उठ सेकी?

उहओर्से, आब ख्रीष्‍ट येशूम भरोसा कर्ना मनैन परमेश्‍वर दण्‍ड नैदेट।

पाप स्‍वभावक इच्‍छले मनैन मृत्‍युम लैजैठा। तर पवित्र आत्‍मक इच्‍छले मनैन लौव जीवन ओ शान्‍तिम लैजैठा।

यी सब चिज हुइलसे फे हमन प्रेम कर्ना ख्रीष्‍टद्वारा हम्र यी सब चिजम भारी जित पैठी

म्‍वार विचारम, यी जीवनम हमार भ्‍वागल दुःखह हमारम पाछ प्रकट हुइना महिमसे तुलना करबेर, उ दुःख त कुछु नैहो।

कौन चिजले हमन ख्रीष्‍टक प्रेममसे अलग कर सेकी? हमन दुःख हुइसेक्‍ठा, कठिनाइ हुइसेक्‍ठा, सतावट आइसेक्‍ठा, हम्र नङ्‍ट ओ भुँख्‍ल रहपर्ना अवस्‍था आइ फे सेकी। हम्र कौनो भारी आपत्‌म पर सेक्‍बी वा मुवापाइ फे सेक्‍बी, तर यी कौनो फे चिजले हमन ख्रीष्‍टक प्रेममसे अलग कर नैस्‍याकट।

मनैन्‍हक हृदय देखुइया परमेश्‍वर जो पवित्र आत्‍मक विचार जन्‍ठ काकरकि पवित्र आत्‍मा परमेश्‍वरक भक्तजनहुँकन्‍हक लाग परमेश्‍वरक इच्‍छा अनुसार उहाँसे बिन्‍ती कैदेठ।

परमेश्‍वरक आत्‍मक देखाइल डगरम चल्‍ना मनै परमेश्‍वरक सन्‍तान हुइट

आपन पाप स्‍वभावक अधीनम चल्‍ना मनै पाप स्‍वभावक इच्‍छम मन लगैठ तर पवित्र आत्‍मा अनुसार चल्‍ना मनैजुन पवित्र आत्‍मक इच्‍छम मन लगैठ।

उहाँ आपन छावह समेत बाँकी नैढर्ल तर हम्र सबजन्‍हक लाग देल। आब उहाँकसँग और सब चिज हमन नैदेहीँ का?

हम्र परमेश्‍वरक सन्‍तान हुइटी कैक पवित्र आत्‍मा हमार आत्‍मह गवाही देठ। हम्र उहाँक सन्‍तान हुइटी कलसे हकवाला फे हुइटी, परमेश्‍वरक हकवाला ओ ख्रीष्‍टसे साझ्‍या हकवाला हुइटी। हम्र ख्रीष्‍टकसँग दुःखकष्‍टम सहभागी हुइली कलसे उहाँकसँग उहाँक महिमम फे सहभागी हुइबी।

पाप स्‍वभावक अधीनम चल्‍ना मनै परमेश्‍वरक विरोधी रठ काकरकि हुँक्र व्‍यवस्‍था पालन नैकर्ट ओ पालन कर फे नैसेक्‍ट।

परमेश्‍वर आपन सन्‍तानन प्रकट करैना दिनह सारा सृष्‍टि भारी उत्‍सुक होक अश्‍या लग्‍लबा।

सृष्‍टि आम्‍हीसम लर्का पाइबेरिक जन्‍नीमनैयाअस दुःखले छट्‍पटैटी बा कैक हमन थाहाँ बा।