उहाँ अपन्हे कौनोजहन प्रेरित, कौनोजहन अगमवक्ता, कौनोजहन प्रचारक, कौनोजहन मण्डलीक पाष्टर ओ कौनोजहन शिक्षक हुइना वरदान देल। सब पवित्र जनहुँकन उहाँक काम कर सेक्ना बनाइक लाग ओ ख्रीष्टक शरीर अर्थात् मण्डलीक उन्नति करक लाग यी वरदान देगैल् हो। यी वरदानक कामले हमन विश्वासक एकतम आनक लाग ओ परमेश्वरक छावक ज्ञानम हमन बहर्टी जाइक लाग सहायता देटीरठा ओ एक दिन हम्र परिपक्व हुइबी ओ ख्रीष्टक पूरा नापसम पुग्बी।
