Beliebte Verse in Kor1 6

Teilen

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa. Lawa ka pii, á ka giɔ̀mɔ saraa. A bɛ́ miɛ̃, ka ka gɔ̀nɔn lɛ baa Lawa tɔ gole kɔ ǹ màn lɛa.

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne, wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

Ka baa si din kũ doɛ̃baã nyɛɛnɛ! A giala, mà min bɛ́ sii baraa gialakun mɛn kɔsɔ zɛnɛɛ, mà bɛ n kanaa, a we a gɔ̀nɔn nɛ wa. Sɛnɛ, min mɛn bɛ́ n din koe din kũ doɛ̃baã sii la, bɛ n sii baraa zɛnɛɛ a din gɔ̀nɔn kɛ nɛ.

Kaa min tɛnɛn man pii: «Ǹ nə́ sii tumaa lɛ kɔ ma la.» Hiĩ, sɛnɛ, sii tumaa a zɛnaa a siĩ-n min ganaa wa. Ma á boe la má pɛ: máa «Ǹ nə́ sii tumaa lɛ kɔ ma la.» Sɛnɛ, ma a re toɛ ma màn kɔ́n a bɛ̀rɛ baa wa.

Lawa na á Dɛnaa bɔ geren li, á da yiikoonaabaa nɛ. Á re wɔ dɔn boe geren li, a wɔ kaa yiikoonaabaa nɛ ká a din pàã nɛ.