Beliebte Verse in Kor1 12

Teilen

Didie n bǐɛ̃baa ǹ màn lɛ yii, boe Yiri Fu ni, min tumaa a bǐɛ̃ kɔ a lɛa.

A da yaa ka tumaa n Krita gɔ̀nɔn lɛa, kaa didie dɔ na a gù kɔ́n lɛa.

Bɛ̀ gù goon tá nɔmaa nɛ, gù lɛ din tumaa na á nɔmaa lɛ gii kɔn. Bɛ̀ gugurubaa tá gù goon li, gù lɛ din tumaa na a nyɛnyɛɛ gii kɔn.

Yiri Fu lɛ n boo da ka sii-doɛ̃-n koe min la, a boo da ka màn doɛ̃-n kɔ min kɔsɔ la. A din Yiri Fu lɛ n goleemali koe min la, a din dɔ n busu nya ǹ pàã koe min kɔsɔ la. A n kaãbaa ǹ sii zɛnaa koe min la, a Lawa a boo gii dalibaa kɔ min kɔsɔ la. A n yiri koe min tɛn la, a boo la a yiri baraa bɔkɔnlɛ dɔ̃ ka Lawa a Yiri Fu ni. A n bɔlɔ soree pɛ koe min tɛn dɔ la, a bɔlɔ soree lɛ a bɔyaa doɛ̃ kɔ min kɔsɔ dɔ la.

Sɛnɛ, a din Yiri Fu goon kɛ lɛ n bɛ tumaa zɛnɛɛ, a n bɛa bǐɛ̃ kɛ lɛ gii didie ne a din foo dùũ li.

A na á zɛnaa miɛ̃, màn mɛn bɛ́ toɛ, toɛ̃-kɔn baran yɛ gɔ̀nɔn lɛ-n wa, sɛnɛ, gùn lɛn tumaa yiri goã kɔn li.

Bǐɛ̃baa ǹ mànan lɛn tá totoro, sɛnɛ, a din Yiri Fu goon nə ǹ koe. Nya ǹ dín tá totoro, sɛnɛ, maǹ nə ǹ nyɛɛ Dɛnaa goon ne. Dí nya ǹ gɔnɔn tá totoro, sɛnɛ, a din Lawa goon ne pàã koe wɔ tumaa la, wɔ á sii tumaa zɛnɛɛ nɛ.

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Gɔ̀nɔn lɛ lɛ á piɛ̃ ka gù goon ne wa, yǎa gù gigiã.

Ta gù mɛn nə pàã wɛɛnaa lɛa gɔ̀nɔn ganaa, a dɔ là tan.

Bɛ̀ gɔ̀nɔn tumaa n yii lɛa, wɔ ǹ die boo miɛ lɔn? Bɛ̀ gɔ̀nɔn tumaa n too lɛa, wɔ ǹ die màn gìĩ miɛ lɔn? Sɛnɛ, Lawa na á gù gogoon tumaa da gɔ̀nɔn ganaa a din dùũ li. Bɛ̀ a tumaa a kaa-kun nə gù goon lɛa, gɔ̀nɔn lɛ lɛ-piɛ̃ n goɛ̃ maa?