Beliebte Verse in Yakobo 1

Teilen

Vanavamaye vakwa, lollyeny sheelyi ni ifura yeni kyeeri mwavikwa fyeesony five na five. Mwiimanyaa sheelyi kikusiryo kyany kikambikwa kyeesony mmbo muwonaa ivika nsia.

Lyo nndu wa kwany kaanguywa ni urango, atereve iruva yeto aniinga woose kwa vingyi, nta nnyakyeemmya-fo, nawe mmbo aniingwaa.

Efyo mufiishi ninsha, vanavama vakunde, kyasiany wo nndu nave mwaangu yaaranya, lyo nalave mwaangu irera ao iswa-fo

Ivika nsia lyoore usongovisi lwa vayo, naambo mukooye iva vasongovisi na vasaari mulakee vaanguye nkindo.

Lyo veny vandu vatanaa kindo nta nshi vearanya-da-fo, mwilembikaa muveni.

Ngoma ni ya yeto asisirya fyeeso; mashika elyi ammaa iirikywa ni Nndumi mmbo ashewonaa ureto lwa muu, yelo Nndumi adeesye yewo vankunndye.

Wo ngata ya iniingya yeyo ikee shisha, na wo kindo kyaniingywa kikava kisongovisi, mmbo kyauka kwa Iruva, yeto muni sa, yeto kwakwe kulaifo yalashika, nta iveruka-veruka.

Mashika, kwakooya nndu ava mwiiranya-da nalatanaa, nndu wa ngata yeyo mmbo avaa sha nndu akulolaa yoo kiloleny. Mashika nndu mmbo akulolaa kawuya kakweengya, karekyo shaasa akai.

Imanya Iruva lya dede lyilatiri kiteve mbee ya Iruva Nde llyo elyi, “Ni indesaiya vana va ngwera na vaka va ding'u efo ngatareny tawo, na ikuringa kumuni kulawoni-fo fiteve.”

Kyeeri nndu akee yeeswa nalasheamba, “Ni Iruva akee isheesa.” Mashika Iruva nnyeswaa ni uravi-fo, nta we muni nnyesaa nndu-fo. Mashika wo nndu mmbo eswaa llango takwe muni timoommwaa na illemba.

Kyaindi nndu nalatiri nnduma we nafure mashika we ammaa ing'aniswa