Beliebte Verse in Vaebrania 11

Teilen

Naasany ikusirya ni ivika nsia deny kya efyo fikaa fishe, kulaore fyallollyo. Na vamiku veru mmbo valekureekywa kya ekyo.

Lyo kulaiyo kikusiryo nkushiidimaa insenya-fo; mashika nndu asheengyaa Iruva nkuti mbele neerikye sheelyi eefo, na sheelyi we mmbo alyimyaa mbora yewo vensheya.

Kyeendwa ni irero lya Iruva ulana mmbo luleumbwa, ni indo lukusirye, naakwa mfindo efi filollyo mfileumbwa mfindo fingyi-se.

Kyeendwa nkikusiryo Abrahamu mmbo aleirika llya alevaangwa, nakupoo neende iwonisa ando alya kushevaa ding'u yakwe, kakwiipoo naleeshi kundo akeenda. Na kikusiryo kakaa kulya urukeny llwa weny lwa kyaasa, urukeny lulakee lwakwe, kakaa yeeminy we na Isaki na Yakobo, venia ding'u ando amwi nawe va kyaasa kilya kyeni.

Ekee na kikusiryo, Noe llya alemaa iikimbwa ni Iruva kya findo efyo fikaa fishe numa filandelollyo, shaasa aleirikya Iruva, mmbo aletana mmba ilya ya isanduku, naambo nakire va mmba yakwe. Nkyo kautya ulana uvingo neeva muya ding'u wa usumanu yelo lwawonika kimmya efo kikusiryony.

Kyeendwa nkikusiryo Enoki mmbo aleipowa-u, nalalollye ufu, nta nnyalelollyo-fo mashika Iruva alemwiipo-u: Mashika elyo kulore emmipowa-u mmbo ekureekye sheelyi mmbo alesennya Iruva.

Eetiri kikusiryo, Abeli mmbo aleutya Iruva kiraso kyisha ngota Kaini, kakureekyo sheelyi mmbo akee wa usumanu; Iruva kakureekya firaso fyakwe, kimmba ni indo, na kikava alemmaa ifwa, mmbo eefo areraa.

Kyeendwa nkikusiryo Sara muni mmbo alewona wiidimi lwa ikufinga lla llya emiilanya kyeeri kyakwe, mashika llya alevika nsia yeto mwiimbikya kyaasa ni wa dede.

Mashika mmbo evikye nsia ilollya muri utiri uvasha, ukee n-deesye neetanwa ni Iruva muni.

Ekee na kikusiryo ekiva nndu nniini kalema ivaangwa mwana wa mfu wa Farao; kalollya nkyeni ilyiswa ukyiva ando amwi na vandu va Iruva ngota ifurya ulyamari ando a kirambo kidu; kalolya Kristo iteendwa ni usimba uniini ngota umasi loose lwa Misri, mashika nfyo evereye natawa. Na kikusiryo kooka Misri nalairyee unyafi lwa mangyi, kasisirya evikye nsia yeto nalalollyo.

Kwi kikusiryo Abrahamu llya aleeswa mmbo aleuta Isaki nave kiraso, neeto alewarya fyaasa efyo mmbo ekeniingya mwana wakwe wa ngitany.

Ekee na kikusiryo Rahabu ulya ntuusi nnyalerumatwa ando amwi na valyang'a valya-fo; mashika llya alewarya vandu valya va sa na ufoo.

Na kikusiryo vakaira kulya yeeveny lya Shamu sha ando oomu; Vamisri vakunda nawo itana indo vakamirwa mmura.

Kyeendwa nkikusiryo isimamba lya Yeriko ukawunduka, llya muri uleringityo ando a mikonu mfungare.

Na kikusiryo kavika Pasaka, na yaamba samu ilya, naambo ulya asherumataa fyuumbe fivee fyoose wo nalavapaani.

Ekee na kikusiryo llya Yosefu alefikya yoo mafurumyony akwe, mmbo alesenda mbony ta vana va Israeli yuuka Misri kavavasya kya mafua akwe.

Ekee na kikusiryo llya Yakobo emfikya ifwa, mmbo alevikya vana va Yosefu mbora, keendya Iruva ekwinyikye yoo runguny ya nsengye wakwe.

Ekee na kikusiryo Isaki mmbo alevikya Yakobo na Esau mbora, naakwa nkya findo efyo fisheshaa numa.