Beliebte Verse in Matiye 15

Teilen

A ma okomma soopa min biiti gimi asaa min galbanti o ga ay kaaka appe ma negekkaa gimu unti Mellayi. A gata pa, ay min galbanti appe gu moyoowi ku miɗɗa okomɗo, o diyaw ma aaniyo, o un̰n̰o oko daatti gimi e baŋ ga oko mittí daatti, o diyyo ta daato e baŋ pa ta miɗaayo bala paate, o maaso, o arɗo, o n̰ilaaki.

Ay ma on̰aa ɗa ma biiti gimi ma negekkaa gimu unti Mellayi, innasoo ga ma negekkaa ay ma okomma min biiti.»

“Giimi kooko cepelliy uwwa semeetaw ma beneeco ka, ma galbigeeco pa gu aaye arro min oko naa. Aabidico kulla gayee ɗa maatiki asan gi giraane maa gu garaayo oko giimo ay hukumnigee maa gu giimi cemekka min kayyeeco ka.”»

Gaa Iisa tiilitti gaa: «Daate, amannite yaata. Ga deete aleŋ maa ka aŋka.» Gaa oko wikinne kaaka saa, gi runtí rayyidiɗe.

Gaa ma kaaka aɗe gi daate taata pa asiɗe darsa unti, gii beneyyiyyee gee: «Miltu, moogino!» Gaa Iisa pa tiilitti gaa: «Ay tirta ɗa ki iccicca tiyawco miico, kii uwwiyyooca oko ronco kan̰n̰o.» Gii gita pa tiiliyyee gee: «Beneycum keeke ay tirta appe, miltu. Innasoo gu ronco kan̰n̰o kulla son̰son̰n̰aca aɗe tiyaw ta rootta ma sobaa min taabulti milco.»