Beliebte Verse in Kutoma 18

Teilen

Ayi pana chinthu chokhonda kwanisika na MBUYA? Ninga mwalonga ine kale kuti chaka chamangwana pandzidzi ninga uno ndinabwera pontho, tenepo mkazako anabala mwana wamamuna.”

Natenepo Sara adaseka mbalonga yekha ene mbati, “Ine ndamala kale, pontho mamunanga akalamba. Ayi chinchino ndinakwanisa kukomerwa napyo?”

Pidzukulu pyache pinakhala dzinza ikulu pontho yamphamvu. Kudzera muna iye ndinati nditsanzayise madzinza onsene.

Tenepo Abrahamu adafedzera chifupi na MBUYA mbamvunza mbati, “Kadi imwe munafunadi kavunga anthu okhonda dawa kubodzi na anyakudawa? Ngakhala mumzindamo muna anthu makumashanu okhonda dawa, ayi munavunga basi mzinda onsene? Ayi imwe nkhabe leka khonda kuuvunga tayu, towera kupulumusa anthu makumashanuwo?

MBUYA adatawira mbati, “Ngakhala ndinagumana anthu makumashanu okhonda dawa mumzinda wa Sodomu ndinati ndiuleke khonda kuuvunga thangwi ya iwo.”