Beliebte Verse in Kutoma 13

Teilen

Dziko yonsene inaona iweyi ndinati ndiipereke kuna iwe na kuna pidzukulu pyako mbikhala yako kwenda na kwenda.

Pidamala Loti kuphadzana na Abramu, MBUYA adalonga kuna Abramu mbati, “Kubulukira pana iwepo, kwiza maso ako mbuyang'ane kumpoto, kumwera, kumabulukiro dzuwa na kumadokero dzuwa.

Ndinati ndikupase pidzukulu pizinji pyakuti nkhabe munthu anakwanisa kupilengesa pyonsene tayu. Pinainjipa ninga tchetcha ya padziko yapansi mwakuti ngakhala munthu anakwanisa kulengesa tchetcha padziko yapansi, penepo pidzukulu pyako pinakwanisika kulengeswambo.

Tenepo Abramu adalonga kuna Loti mbati, “Ife ngubaleathu, natenepo paleke khala mapoko-poko pakati pa iwe na ine, penu pakati pa amakabuswako na amakabuswanga.

Natenepo Abramu adathukusa misasache mbakakhala chifupi na miti yakupambulika yamthundu ya ku Mamure kuluwani ya Hebroni. Kweneko adamangako guwa yakuperekerapo nsembe kuna MBUYA.

Loti adakwiza maso ache mbaona kuti phedi yonsene ya Yorodani kwendera ku Zoari ikhali na madzi azinji ninga Munda wa MBUYA, penu ninga dziko ya Iguputo. Ndzidzi wenewo MBUYA hakhadadzati kuvunga mizinda ya Sodomu na Gomora.