Beliebte Verse in 'Ba Rumia 'Diyi 8

Teilen

Te ama ni ra Mungu eri eci e’yo dria tualu onyiru ’ba eri lepi ’diyi dri, ’ba ndra erini omvele ekile erini opelerile ’diyi.

Te ma ni adadaru kani dra, kani idri, kani malaikani, kani e’yo angu urua ’diyi, kani e’yo andruri, kani e’yo droziri, kani okpo amboru ’diyi, kani e’yo ovupi uru ’diyi, kani e’yo va ele ’diyi, kani afa azini dria ovupi indi ’diyi, yi econi ama esele cozaru ale Munguni Kristo Yesu Opi lamani ma aliari be ku.

Ekile be ’dirile Orindi eri okpo­ako amani ma aza ko; te ama nini Mungu zizu onyiru ku, te Orindi ngulupi eri zi ama dri otaza be, awu be ’bani ’yole tisi kuri.

Te di ama ’yo ngoni e’yo ’diyisi ya? Mungu ka ovu amaniru, a’di eco a’di ’dizu ama beni ya?

’Dini curu’do e’yo liza ovuni ’ba ovupi Kristo Yesu alia ’diyi ma dria ku.

Te asisile e’yo ruani ma driari eri dratani, te asisile e’yo Orindini driari eri idri pi asi anzuru be.

Yo, te adaru e’yo ’diyi ma aliasi dria ama aga ada eri’i ama lepirisi.

Te ma ega ama econi candi ewu ’dorini o’bizaru diza ngapi i ecepi ama vu ndori be ku.

A’dini ama esele co ale Kristoniri beni ya? Kani candini ya? Kani ocokoni ya? Kani inzatani ya? Kani likini ya? Kani ovuzu pililiruri ya? Kani ovuzu ogogo dra ma siari ya? Kani omba ’ba olizu seisiri ya?

Te Mungu asi ale ndapiri eri ni e’yo Orindini eyikileri, Orindini zile ’ba alatararu dri ekile Munguni lelerile­risi.

Te ’ba dria Orindi Mungunini yi dri celeni ’diyi yi anzi Munguni.

Te ’ba acipi e’yo ruani ma vutia ’diyi adri asisile dro e’yo ruani ma dria’i, te ’ba acipi Orindi ma vutia ’diyi adri vini asisile dro e’yo Ori­ndini ma dria’i.

Eri’i i Mvi ma ngulupi kupi ku, te eri fepi ama dri driari, eri ngani afa dria fe ama dri tualu eri be indi endra kokoru ku ya?

Orindi ma ngulupi eri e’yo eti nze orindi amani be kini ama ovu anzi Munguni. Te di ama ka ovu anzini ama ovu vini ’ba ngapi lonyi Munguni nyapi ’diyi, ama nga eri nya tualu Kristo be, ama ka candi ni eri be tualu ka, yi nga diza fe ama dri eri be tualu ndo.

Te asisile e’yo ruani ma driari eri Mungu be ari’boru; erini azita Munguni inzile kurisi, a’disiku eri econi inzizaru ku

Te afa dria Munguni ’bale ’diyi yi eceta anzi Mungunini ngazu yi ecezuri te avasi

Ama ni ra afa dria Munguni ’baleri yi dria tualu owu, yi ovu nga rua suza be okporu ekile mva azosirile, kpere curu’do