Beliebte Verse in ROMA 3

Teilen

Ap obog toho siyag ane turuk lit weregma Allahn wel eneplep angge famen wel enebuk fug teg. Allahn ap kinangmon wel eneplep angge famen it obog toho siyag ane eneg turuk lit werehen wel enebuk fug teg. Wel enebuk fug teg angge famen Allahn indi enesug lit wereg. Yesus Kristus inowen ap ininggik hele warehon lol eneptuk lit saplangge ili og eneptisi.

Yesus Kristus fam tem toho wenggel haruk lit wereg inap arimano tu siyag ari fano puk fug anggeyen obog toho Allahn ili og enebuhuk peruk lit wereg.

Yesus fam tem toho wenggel haruk inap arimano Yesus amep fam Allah men mangno amuhup ulug Allahn At unduhuk fibag. Allah indi pikit teg lit aben siyag-siyag ane indam turuk latfag ane Aren imbisibahon arimano ketiya nambolma embesemin ulug Yesus unduhuk fibag. An nele tem toho uruk lit nindi pikit toho welahi ane fahet ketiya ap inindimu onoluk amuhuben Yesus Kristus fam wenggel harukon Allahn ili og eneptuk.

Musa wene apma welahe peruk inap arimano fahet siyag ane turuk inap wereg ulug wene inowen inamap turuk. Inamap turukmu ap obog toho Musa wene apma welahe peruk inap arimano unubahet Allahn fano puk fug teg.

Wene atamon fam haharoho werehon tu tot imin, ”Ap misihen oho tem perukon eleg. Ap misihen oho fuki roho wenggel ha fug anggeyen Allah yami rurukon eleg. Ap obog toho kebunggalem fanowon embeselug un ke laruk lit misihen oho fano ane tuk fug angge werehen it arimano fahet oho fano puk fug teg.

Anden peruk lahiyon aru: Musa wene haharoho imbibahon ino fam turuk halug Allahn fano puhu fug. We hinindi fam wenggel harukon ari fam eneg Allahn fano puhu.

Eleg-o nori. Allahn uruk ane tem toho eneg uruk angge famen ap kinangmon obog toho atam haharoho imbibahon hikit toho si ane eneg uruk: ”Haren wene uruk lahenon obog toho tem toho uruk lahenma fag aruhu. Alem hubam umbuhup halug Hat eneg palimu welaruhun.”