Beliebte Verse in MATIUS 15

Teilen

Laguq saq sugul léman biwih asalne léman até; dait hal nike saq jari penyebap dengan jari najis. Séngaq léman até timbul pikiran-pikiran jahat, saq jari penyebab dengan nyematéq, bezinah, gawéq perbuatan saq cabul, memaling, ngebéng kesaksian palsu dait pitnah.

Ndéqne saq tame léq biwih saq miaq dengan nike najis; laguq saq sugul léman biwihne, hal nike saq najisang dengan.”

‘Maraq niki manik Allah: Dengan-dengan nike cume nyembah Tiang siq ucapan-ucapan doang, laguq aténe jaoq léman Tiang. Percume ie pade nyembah Tiang, séngaq aturan manusie saq ie pade ajahang maraqne hal nike préntah Tiang.’ ”

Beterus Deside Isa bemanik léq dengan nine nike, “Inaq, tetu-tetu beléq iman side! Alurang adéqne telaksane napi saq side harepang!” Léq waktu nike éndah, bije dengan nine nike selah.

Dengan nine nike parek terus sujut léq arepan Deside Isa dait matur, “Junjungan Saq Mulie, tulung tiang niki.” Jawab Deside Isa, “Ndéqne patut bait keloran kanak-kanak terus tesaut tipaq acong.” “Mule tetu, Junjungan Saq Mulie,” jawab dengan nine nike, “laguq acong éndah ngaken salo-salo saq geriq léman méje majikanne.”