Beliebte Verse in PA'JARIANG 13

Teilen

Sikontu anjo butta nucinika laKupassareangi mae ri kau siagang mae ri sossorannu, sollanna nukammai satunggu-tungguna.

A'lampanamo Lot, Nakanamo Batara ri Abram, “Battu ri antu tampa' nupammentengia, cinikimi baji'-baji' sikontu niaka attammulili

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

Nakanamo Abram ri Lot, “Ikatte anne tau sibijaki'. Tabajikai punna a'besere' taunnu siagang taungku.

Le'baki anjo napalette'mi kema pa'ballakkanna Abram, nampa mange ammantang ri ampi'na poko'-poko' kayu karamaka, iamintu tampa' passambayangang ri Mamre ri ampi'na Hebron. Nampa ambangummo anjoreng tampa' pakkoro'bangngang untu' Batara.

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)