Beliebte Verse in Yakobus 1

Teilen

Nagarlagi nirugi o. Yi weyak ndi weyak kinoba asi wagonem kinakla arlenggen kasi dogono o. Esigit dilugat kinoba wagonem, Allah nen, “Inendainggen an noba panggot diluk werek a? Dek a,” yiluk, kinaren mbaligogo eti paga, kinendainggen sebekogo kambukogo dogusak kagat kinabigogo eti kinilu o.

Mende, at Allah obabut pano nen akoni taʼbokogonat inaʼbuwa dogolik mberisigidek wogisaligogo eti paga, kit amberek kinakla nggagalek dek kalok, at nggino yogosumo kinakla nggagaliginat o.

Nagarlagi nirugi o. Kinebe kinaʼbuwa o. Wene yi kinakla eberek dogono o. Kinebe dombok wene kinasuk ibat ibat kol diluk nen, kinane paga nen erogat yigik, kinakla agaga dagi wagonem kinendainggen sebelogo dogoluk nen erogat yigik, kagako dogono o.

Kinendainggen awan negen agake welagidek taʼbokogonat erlogat korle asuwagaluk, kinakla mbuk agidek kinendainggen kambukogo dogono o.

Wene Allah wene eti kinasuk arlek kol diluk puk asumo, kinenggaerek nen nuket dakagun eti paga, kinasuk kol diluk, dikogo kagako dogono o.

Kit amberek yi weyak ndi weyak kinoba ago nggorlek, kinobakanini kambuk yiluk dogogun kalok, kinakla arlenggen kakagun o. Esigit diluk kinobakanini kambuk yiluk dogogun kalok, Allah nen, “An nebe kinendainggen kunik mende kiniluk mondok dogogun mende wokisagin o,” yiluk, abok yoknisasike etnogo kit kinaren mbalogo nenat wokisagin o.

Ninombae Allah mbogot oba mende etnogo nenat, yi mende ndi mende pano mende woknisigik, pano mondok mende woknisigik, wusak nisa wirigogo o. At nenat mbogot oba liya werek mende eti, winamet disikesik nen, at ebe ninat kagat lagik, abel dagakogo amum agik, liya agik, kagarigogo dek.

Akoni amberek wene Allah wene eti inasuk arlek kol diluk nen, wene eti ndak-ndakogo kagakidek kalok, akoni inelokonggen wukagi paga lakalok inebe werlekmangge lalok, “Nebe endigirlik kigi,” yiluk eberek welagidek ibat-ibat obarlikma arigogi eti kagat o.

Ninombae Allah nen, “Akoni nen an nakla arlenggen togo motogo pano mondok kagako dogusak, yigit diluk. Elege irlaganggot mende inom, kumi sogugi mende inom, nuk atluk werekma yamagiyigik, akoni agat oba weyak kagarigogi mende eti inobabut waganggidek inenggaerek nen nggareligik, kagako dogusak o,” yiluk akla ambaligogo o.

At Allah weyak kagasuwagaluk akoni nen akla nggagaligogi dek. Mende, at nen, akoni amberek weyak kagasuwagaluk inakla nggagaligogo degat eti paga, kit amberek kinakla nen, “An weyak kagasuwagaluk Allah nenat nakla nggagaligogo,” yiluk ambausak erlok dek o. Esigit diluk mendeat, ninebe dombok ninenggaerek ninakla nen, “Yi mende ndi mende warlok,” yiluk weyak ambaligogi eti nenat ninebe wokninakik, lit niyigik, kagako dogolik, ninakla nggagaligogo o.

Kit Allah aʼburi kinamende dek mende amberek inapma dogolik, “An Allah nen nggogot danggemo werek o,” yiluk kinakla arlenggen kausak o.