Beliebte Verse in Galatia 3

Teilen

Allah wene paga kolal mbalogo ʼbisi dogolik, men yisuka, “Inebe o paga mendiyalok inasumo, it inebe watlasugun mende eti Allah nen inalem ʼbiyagin werek o,” yiluk, kolal mbalogo ʼbisuka kagat, wene Allah nen ninasuk wakike wene eti paga, ninalem ʼbinanusak mot werekma, at Kristus nenat ninonggo mbalogo ndil ninabigiluk wene nit ninoba mende nggorogo at oba ʼbakasike o.

Waganiluk, yabunggane kit taʼbokogonat, Kristus Yesus kinom kunik dogolik kinebe omanggiat mende werek eti paga, kit pelakngge Yahudi mende, pelakngge akoni sikmangge mende yigik, pelakngge inanduwanengge mende, pelakngge inasokne mende yigik, pelakngge kumi, pelakngge ap yigik, yisi dogusak dek o.

Kit kinebe Kristus mende kalok, kinebe Abraham nen endago mende werek. Eti paga, Allah nen Abraham abok yogokike mende etnogo, kit wokisausak morat o.

At Allah nen Abraham panot disike kak, yi akoni ndi akoni taʼbokogonat Kristus Yesus inom kunggonem panorinabuwagaluk, Yesus watlagike o. At esigit diluk watlagikesik oba nen, Allah Agurengge wokisagin yiluk abok ndak yoknisasike etnogo, ninendainggen at oba panggot disinem woknisiligogo o.

Allah nen, “Kinendainggen an noba panggot diluk dogogun eti paga, an nen wene kinoba mende nggorogo togot diluk ninom yabunggane suguluk kunogo ʼbinagumo kiniluk mondok dogogun o,” yiluk yisikemo kolal mbalogo ʼbisuka eti paga, wene Allah nen ninasuk wakike wene eti paga nit taʼbokogonat wene ninoba mende nggorogo togot diluk yabunggane ninom kunogo ʼbinanusak dek o, yiluk, enggagat agike.