Beliebte Verse in 1Korintus 6

Teilen

“Allah nen Agurengge woknisasikemo, ninebe at ago palek werek,” yiluk kit kinonggodek nogo? Kinebe kinenggaerek indewerek ʼbuk. At indewerek o. Allah nen, kinebe onggo arat ʼbogokogo mbalogo wokinakikemo werek eti paga, akoni nen at pogorasuwagaluk, kinebe at ake pano kagako dogono o.

Akoni weyak kagarigogi mende Allah apma ʼbiyaligogoma eti indewerek asugun dek o, yiluk, kinonggodek nogo? Kinenggaerek nen dalagup. Kumi ap yugunat kagarigogi mende inom, inendainggen ngganengge oba panggot diluk dogolik pogorarigogi mende inom, ap inagugi mende yogot paʼbiyiligogi mende inom, ap nen kumi paʼbiyiligogi kak it ap-ap paʼbiyiligogi mende inom, inil arurlu waganigogi mende inom, inamikmak weyak kagarigogi mende inom, ambusu kunu-gunu asuwogoluk niligogi mende etnogo nasi mondok dogoligogi mende inom, inabok weyak wene inenggalat inoba ʼbiyiligogi mende inom, ininggi abusak waganigogi mende inom, it akoni esigit diluk kagarigogi mende eti taʼbokogonat Allah apma ʼbiyaligogoma eti indewerek asugun mondok dek o.

Kumi ap yugunat kagarigogi eti mende kagako dogunogo yiluk, lo lago dogono o. Yi weyak ndi weyak kagarigogi eti inowado abel sikmanggeat kagarigogi. Mende, kumi ap yugunat kagariigogi eti, inenggaerek inebeat weyagat dakiligogi o.

Kit mende omanggi nen yisi dogolik, “An yi mende ndi mende yugunat kagasusak arlek,” yiluk yiligogi mende, an nakla nen, yi mende ndi mende taʼbokogonat eti nen panorinabusak ʼbuk. Yi mende ndi mende eti obatne atluk, eti mende nen an nebe apma ʼbanusak naʼit o.

Allah nen, ninewe Endaganggok watlagikesikmo nen ilugut disike kak, at obatne paga, nit ninilugut ninabiginat o.