Beliebte Verse in 1Korintus 11

Teilen

Esigit diluk wogisasikemo arat nasukama nen, iya enggen ambusu kenogo esigit dilugat inggimo waganggikesik nen, men yogisasike, “Namep wulabogo watlasigin eti paga Allah nen wene ngget mende warogo wokinabigin yisike etnogo, namep kenago ebe yi o. Ebe yigit diluk nonggo dogolik, yabunggane an noba eberek dogobagik nen, yigit dilugat nonggo dogono. Kimbiri roti mende yigit diluk ninggik, enggen ambusu kenogo yigit dilugat ninggik, kagako dogolik, kit nen, Ninewe Endaganggok esigit diluk wakuka o, yiluk wene eti yogisau kak, yigit dilugat nasi dogono. Esigit diluk nasi werekma, kurli, an wisigin eti kurli nen dek asigin o,” yiluk yogisasike.

Wene esigit diluk kagako dogusak pasik, ninewe Endaganggok nen yanggul nikikemo, an nen kit yanggul kisasigi o. Ninewe Endaganggok Yesus ap inobabut weyak mende nen wasuwagaluk, ap omanggi nen kibanggo yonggo lagike etinem, at Yesus nen kimbiri roti mende inggimo waganggikesik, Allah keyagi warogo, nggut diluk nen men yogisasike, “Kimbiri yi an nebeat o. An kit kinakeat nasugun eti, noba eberek dogobagik nen, yigit dilugat kagako dogono,” yiluk agoromi wogisasike.

It amberek nen, at Ebe didigidek dogolik kimbiri eti mende ninggik, enggen ambusu eti mende ninggik, nonggo dogolik, inenggaerek nen wene inoba ʼbakiligogi eti paga, kit kinebe dombok kinenggaerek nen kinaren mbalano. Esigit diluk kinaren mbalalok nen, kimbiri eti mende ninggik, enggen ambusu eti mende ninggik, kagasusak o.

Kat omanggi nen ninewe Endaganggok oba eberek dogolik, ambiri ninggik, agi kenago ninggik, nausak dek dogolik nenggen kalok, ninewe Endaganggok ebe ake, amep ake, wene koba ʼbigin werek o.

An Kristus obabut waganogo kagarigogo kak, kit nen, an nobabut waganogo kagako dogono o.