Beliebte Verse in ROMA 8

Teilen

Kofawi Allah ifrur roi ḇeborkam isof ro nbuk roi ḇeḇye faro snonkaku ḇeswarisya ma ḇesma fararyor ro i raris auw ḇyena.

Snar yakyar kaku ro sup-swan ine ḇesiper, iḇye marmari ma kankenemya kako; iḇye malaikat ma iḇye ḇesma papoiksya kako; iḇye ro baboine, iḇye ro fafisu nari ḇeramumaya kako, oroḇaido samambraḇ ḇesena; iḇye roi ḇero nanki, roi ḇero sup ine dori nakako, oroḇaido roi ḇese wer, nakam nadwarek Allah saswar ḇyuk mabekonyaḇa, imnis fyasna kwar ro Yesus Kristus Manseren koḇedi.

Rarirya kako Allah Rur ḇyedi ryama isaramper ko rofyor kosambraḇ ḇa. Snar kofawi moḇ koḇenadi rayaḇa; Rur ani mankundi inadi warek ko faro Allah, kuker marisen ḇefnakḇa isof indokada dapnaḇa.

Rosai koḇe kokofen werya ro baboine ro roi ḇeḇor annakamya? Rofyor Allah iwaira ko, mansei nari ḇesampum koya?

Baboine samamyai isya werḇa faro snonkaku ḇekenem ro ḇaḇeoser kuker Yesus Kristus.

Naek srar rofyor kakara koḇena papoik rari snonkakuya nyana, nari ḇarpurya dunḇe marmar. Ḇape rofyor kakara koḇena papoik Allah Rur ḇyedi nyana, nari ḇarpurya isoine kankenem ma ḇaḇeaski kuker Allah.

Roba! Mboi ro roi ḇeḇor anna nekam, kosma fainda ḇemnis snar Yesus Kristus ḇeswar koya.

Kandera ḇeḇor kosma ro baboine na, raris fawawi ayedi, namnis kuker payamyum nari ḇefasna maḇe konyaḇa.

Mansei nari ḇedwarek Kristus saswar ḇyuk maḇe konya? Kandera naiso ḇedwareknake, roḇaido mandakyake, roḇaido basbiseryake, roḇaido saḇararyake, roḇaido raroyake, roḇaido marmarya kakoke?

Ḇape Allah ḇefawi snonkaku sisnesna, ifawi Rurya marisen ḇyedi; Snar Rur ani dor ro Allah faro Allah kawasa ḇyesi, ma fararyor ḇyena namnis kuker Allah marisen ḇyedi.

Snonkaku ḇesma farkankin ro Allah Rur ḇyeja, sikam Allah romawa ḇyesirya.

Snonkaku ḇekenem imnis rari snonkaku, siwasen monda roi simarisen ro rari snonkaku. Ḇape snonkaku ḇekenem kuker Allah Rur ḇyedi, siwasen monda rosai Allah Rur ḇyedi imarisen.

Mankundi Rumkun ḇyedi iswariḇa, mboi ḇyuki faro fandun koḇenakam; insape nari ḇyuk roi ḇesena maḇe koḇake?

Allah Rur ḇyedi fnoḇek rur koḇesi skarem mboi koine Allah romawa ḇyesi. Inja, rofyor koine koḇe romawa Allah, kokako koḇe romawa pusaka faro Allah nari ḇeyaksma ḇok fyasos kwar faro romawa ḇyesya. Nari kowarpu Yesus ma kosma rosai fyasos kwar faroiya; snar rofyor koḇe kandera fnoḇek Yesus kwar, inja kokako nari kosma payamyum fnoḇek Yesus kako.

Mansei papoik rari snonkakuya nyaya, snonkaku ani ḇyemḇroḇ Allah; snar snonkaku ani kyunem faro Allah sasoser ḇyena ḇa; ma imewer kyunem faro Allah sasoser ḇyena.

Farsyos sansoren ḇesiper siryaḇ ma siwaf fafisu Allah iḇe fyasna payamyumya faro romawa ḇyesi.

Kofawi, ḇape isof ro fafisu ine farsyos sansoren ḇye kandera imnis bin oso ḇyekandera ro fafisu iḇe daḇen wombrek ḇyedi.