Beliebte Verse in Wlǔmɔ 8

Teilen

Ä ji ɛle ɛ̈ moo klě dɛ wùɛ mǒ Nyesoaa Sùsu mɛ̌ǒ nyopòǒ mɔ̀ ü noɛɛ Ɔɔ mǒ ɛ̈ di ɛɛ numa kàan dɛ miě dɛ wùɛǒ wlòmo sɔn keǒ nyopòǒ mɔ̀ ü Ɔ daa bü na Nɔɔ de wòje ke Ɔ nua ɛɛ ble popoɛ bu nuaa.

Dɛɛ do Ě jboo le klě ně chɛ̀ mǒ nɛ̀ moo bɛ̈ ɛ moo kokoɛ̌ klee kmɔ̌ neneɛ klee najiǒpò klee kmɔ̌ɔ win kwa kɔn nyo klee noǎà kpɛɛ tùɔn klee noǎà miǎ tùɔn kpaba plě kpě, dɛ tɛ̀ɛ nɛ̀ slě jɔ mǒ ne klee kělɔ blǒɔ mɔ̀ plě dɛ wùɛ nɛ̀ slě wɔ̀ ɛ̈ mǐ ä klee Nyesoaa sɔ̌n jele sèsae le Ɔ̈ noɛɛ ämoo mǒ keǒ Tentǎn Jǔ Jùsuu tè mɔ̀ Ɔ̈ moo äa Koɔn.

Nyesoaa Sùsu Nɛ̀ sɛ̀ɛ ä mǒ bä wɛ̀ kbě ja le. Ɛɛ jboo dɛ nɛ̀à, ke ɛ toon jleě mǒ bo ä see dɛ bä boɔ lěe Nyesoa mɔ̀ ji, Ɔɔ Sùsuu chɛ̀ Nɛ̀ boɛě Ɔmo Nyesoa mɔ̀ keǒ ä pènmo, Ɛ kwli klě winʼà mǒ ï tùonyugbe see de jbojbɛ kɔn.

Bäǎ wɔ̀ kɛ noǎ wùɛà boɔboɔ mɔ̀, mɛ siǒo de bä boɔɔ̌? Bɛ̌ nu Nyesoa Bɔ̌ neeě äa wakǎ kɛn, bä jě nyu tae mi ämoo jebo nynama?

È dɛ äa wùɛ ä jboo le nɛ̀ moo nyopòà poo Jùsu Tentǎn Jǔu tè kàan tè, Nyesoa se u gbè sùeba mu.

Bɛ̌ nu nè dlǒ le sìɛnsiɛn bɛ̌ wǒ kpni kukwǐ dlǒ le sìɛnsiɛn, è mì kǒba. Kɛɛ bɛ̌ nu nè dlǒ le sìɛnsiɛn bɛ̌ wǒ je Nyesoaa Sùsuu dlǒ le sìɛnsiɛn, è mì kmɔ̌ sie fònfno klee ně bo wnawna kɔnma.

Kɛɛ Nyuà noɛɛ ämoo mǒ Ɔ miǒ ä mɔ̀ mǎma ä mǐ duduɛ kɔn kpǎkpǎ keǒ sònwɛ jejeɛ̌ wùɛà mɔ̀.

Ě po i mǒ kàan tè äa sònwɛ jejeɛ̌à ä jěe klě tǐà wlòmo ɛ se dɛ nyu bɔ poo tè jǐ boaboǎǒ Nyesoa miǎ tàmo sàba je keǒ ä mɔ̀.

Mɛ miǐ kɛǒ ämo Tentǎn Jǔu mǒ noɛnoɛ jleě mǒ sàba? Feanfeǒ kɛ le, deě tǐ jakě? Tèe mɔ̀ tèteɛ kɛ le, deě dodopà? Sònwɛɛ nunuɛ kɛ le, deě jǐlenymi dɛ? Deě kokoɛ̌ kɛ le?

Nyesoaà Ɔ̈ jii noǎ ï ne ämoo wlè jleě le, Ɔ ji dɛ Ɔɔ Sùsu sɛ̀nʼɛ nynɛ̌ ne. Sùsuǒ Nɛ̀ bɛ̀teeǒ Nyesoaa nyopòo tà ke Ɔ nu ɛɛ kɛn wɔɔan.

Nyopòà Nyesoaa Sùsu nɛɛ nee nù moo Nyesoaa jlǔ.

Nyopòà ü nenee dɛ kukǔ sosǒ kmɔ̌, dɛ u kɔn lěe plɔɔ bloblɛ mǒ nɛ̀ moo bu nu noǎà ï uu dɛ kukǔ kmɔ̌ǒ ɛ jlɛ̌ɛ, kɛɛ nyopòà nenee Nyesoaa Sùsu kmɔ̌, dɛ u kɔn lěe plɔɔ bloblɛ mǒ nɛ̀ moo bu nu noǎǒ Ɔɔ Sùsuǒ Ɛ jlɛ̌ bu nuu.

Bɛ̌ nu Bɔ̌ sea Ɔɔ chɛ̀ɛ Jǔ son kɛn bo mǎ, kɛɛ Bɔ̌ nyea Ɔ ämo Bɔ̌ kǒa keǒ äa wùɛ mɔ̀, è ke a je Ɔ slě wɔ̀ Bɔ poǒ kɛ Ɔ klee ämoo sɔ̌n ngmna mɔ̀ keǒ noǎ wùɛ Ɔ kɔnʼɔ mɔ̀?

Nyesoaa Sùsuu chɛ̀ Nɛ̀ tmɛɛ̌ äa sùsu ɛ̈ moo ä moo Nyesoaa jlǔ. Bɛ̌ nu bä moo Ɔɔ jlǔ, è ä ji ɛle tɛɛ tɛɛ ɛ̈ moo Ɔɔ konkɔn noǎ kɔnʼǒ ä mɔ̀. Ä klee Tentǎn Jǔu sɔ̌n ä mǐ ii plɔ bloblɛ kɔn, ke ɛ toon jleě mǒ bo ä klee Tentǎn Jǔ ä jěe sònwɛ. Tèǒ nì kɔn tè ä miǎ tè jǐ boaboǎ kɔnma klě Ɔ mɔ̀.

Tèǒ nì kɔn tè nyuà kpni kukwǐ kmɔ̌ɔ dlǒ le sìɛnsiɛn neěe mǒ, ɔ moo Nyesoaa jlae nyu. Mɛ̌oǒ joo nɛ̀ moo ɔɔ̌ tùǒ Nyesoaa teteǎ plě ɔ slě wɔ̀ bɔ tùǒ i bo.

Noǎ wùɛà Nyesoa nuu kělɔ kmɔ̌ɔ mɔ̀ ii fě nymɛ̌ ne ǐ fe Nyesoa kɛn mǒ keǒ Bɔ sà Ɔɔ jlǔ kwlǎ mǒ.

Ä ji ɛle klě tǐà wlòmo kmɔ̌ɔ pɛpɛ wùɛ ɛ kwli li plě ɛ̌ jě sònwɛ keà nynɔ kmɛ̀ɛ nee.