Beliebte Verse in Ŋirom. 8

Teilen

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

Anerae ayeni ayoŋ atemar emam ibore epedori atyakar iwon anamina a Kristo; nyepedori atwanare kori akiyar, nyepedorete ŋimalaikan kori ŋikepukak; nyepedorete ŋuna a tokona kori ŋuna epote kori ŋapedorosyo. Nyepedori ibore ŋini eyai nadis kori nakwap--emam ibore alosubuna a daadaŋ ŋini epedori atyakar iwon anamina a ŋina ka Akuj, a ŋina erae ŋina yok alotooma Yesu Kristo Ekapolon yok.

Ikwaŋinapei ikiŋarakinitor akigeno ŋin iwon, ebuneene Etau ŋolo ka Akuj daŋ akiŋarakin iwon, ŋulu ikipalag nooi. Anerae nyikiyeni iwon epite ŋolo itemokino elipyata; nai erae Etau ilipit Akuj aŋuna yok, alotooma aryeba elimit ŋakiro ŋuna nyikipedori iwon alimun.

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Emam tokona atubokino eriŋa eyai neni a ŋulu erukito kaapei ka Yesu Kristo.

Ani kikipukato iwon ŋipitesyo ŋulu ka aseconu, ikitwaki, nai kikipukat Etau ŋolo ka Akuj iwon, ikiinakini Akuj iwon akiyar ka ekisil.

Nai alotooma ŋakiro ŋun daadaŋ, ikiloit iwon tari ŋikelounak aŋuna a ŋolo abu ikiminak iwon.

Ayeni ayoŋ atemar ŋican ŋulu ikiryamunit iwon tokona, nyepedoryo akisikwaanikin ka apolou ŋina ikidaritere iwon, ŋina nyisileereuno.

Ŋae epedori atyakari iwon anamina a Kristo? Epedorete ŋican atyakar a? Kori ŋatyokisyo, kori akisicanio kori eron kori akulyako, kori awasya kori atwanare a?

Akuj ŋina eripit ŋitai a ŋituŋa eyeni ŋatameta ŋuna ke Etau a ŋolo ka Akuj. Anerae imaimai Etau Akuj aŋuna a ŋituŋa a ŋulu ka Akuj, lopite ŋolo ecamitor Akuj.

Ŋituŋa daadaŋ ŋulu erikit Etau ŋolo ka Akuj, ikes erae ŋidwe ŋulu ka Akuj.

Ikes ŋulu eyarete alopite a ŋolo ka aseconu kec, ipukato ŋipitesyo ŋulu ka aseconu kec tari ŋatameta kec. Ikes ŋulu eyarete alopite a ŋolo ke Etau a ŋolo ka Akuj, ipukato ŋuna ecamit Etau ŋolo ka Akuj tari ŋatameta kec.

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

Imorikin Etau ŋolo ka Akuj ka ŋitai yok alimor atemar ikirae iwon kire ŋidwe ŋulu ka Akuj. Ikwaŋina ikiraakar iwon ŋidwe keŋ, ikiryamuni iwon ŋarereŋisyo ŋuna iŋadat Akuj aŋuna a ŋituŋa keŋ ka ikiryamuni iwon kaapei ka Kristo ŋuna iŋadat Akuj aŋuna keŋ. Anerae ani kikimora iwon akisicanio a Kristo, ikimori daŋ ka iŋes apolou keŋ.

Aŋun, ituŋanan ŋini ipukato ŋipitesyo ŋulu ka aseconu, erae iŋes emoit ŋolo ka Akuj; anerae nyiwuapit iŋes ekisil ŋolo ka Akuj, kori daŋ nyepedori jik akiwuap.

Idarito nooi ŋisubuna daadaŋ apaki ŋina iseleereunio Akuj ŋidwe keŋ.

Anerae ikiyeni iwon atemar akitodol tokona, irurumaete ŋisubuna daadaŋ eryebasi ikwa aberu ŋina edolit akidoun.