Beliebte Verse in Mattheos 15

Teilen

Tuka taku wicai kin etanhan hiyu kin hena wicacante kin eeiyatanhan u ece; qa wicaśta yuśape cin hena ee. Wicacante kin eciyatanhan wicotawacin śica hiyu ece; tinwicaktepi, wawiciḣaḣapi, wiinaḣmanpi, wamanonpi, woitonśni qa wicayaśicapi kin.

Taku wicai kin ohna iyaye cin he wicaśta kin yuśape śni; tuka taku wicai kin etanhan hiyu kin he wicaśta yuśape cin ee.

Oyate kin de i on mikiyedan upi, qa iha on mayaonihanpi; tuka cantepi kin hena mitehan unpi ece. Wicaśta wicoope kagapi kin hena woope keya onspewicakiyapi, qa on mayuonihanpi kte cin he takudan okihi śni ece.

Hehan Jesus ayupte c̣a heciya; Winoḣinca, wacinyaye cin he tanka; token yacin kin he enicicetu nunwe. Unkan wihiyayedan oape kin he hetanhan cunwintku kin asni.

Hehan winoḣinca qon en hi, makata eḣpeic̣iye c̣a heciya; Itancan, omakiya we. Tuka iye ayupte c̣a; Hokśiyopa aguyapi tawapi kin icupi qa śunka wicaqupi kin he hecetu śni ce, eya. Unkan iye; Han, Itancan; tuka śunka kin iye wicayuhapi wahna wotapi tawapi kin etanhan ośnaśna hinḣpaye cin hena etanhan yutapi ece, eya.