Beliebte Verse in Kalappasam 9

Teilen

Sapo' indem ia kasuhunganna anna kupabäi liupoko tubo: anna mala kupaitaiko kakuasaangKu, anna duka' mala kaleleam sangangKu illaam inde lino.

Iya ma'kada oom DEBATA lako Musa naua: <<Laoko pellambi'i Firaun anna muuaanni: <Susi inde battakadanNa Puang Allataala, DEBATA to napenombai to Ibrani: Pabäi le'ba' umma'Ku anna mala menomba dio oloKu.

Indo kela kuaku muette' katea' bassingKu angku tappai limakoa' sola ingganna pakketauammu, kupahuai saki mehopui, lambi' tameatakoa' illaam lino.

iya la sule pesämbä'Na DEBATA uhhopui olo'-olo'mu lako pa'kambisam, susinna daham, keledai, unta, sapim, anna beke sola domba. Sapo' la nase'la DEBATA olo'-olo'na to Israel anna olo'-olo'na to Mesir. Moi ia la mesa tala deenni mate olo'-olo'na to Israel.> >>

La muitam too, makale' katenanna inde, la kupatuhum uham kembua masambam, tä'pi deem dilalam dadi susi illaam lembäna Mesir pempom dio mai sule lako temo. Dadi tentomai, suai tau napaseheangko olo'-olo'mu anna ingganna aka-akammu lako pa'kambisam nababa lako ongeam kationganna. Ingganna hupatau anna olo'-olo' tää'na dipatinanda lako banua, la natalondoi uham kembua lambi' mate.> >>

Nasuhum la mendadi sobä' indo täiabu ussambai lembäna Mesir, anna la umpakende' bundä pe'nana lako hupatau anna olo'-olo' illaam paluäna Mesir.>> Iya mualam duka' täiabu indo to dua, anna le'ba'i lako olona Firaun, anna nasembu'i Musa längäm lawwa, iya kende'um bundä pe'nana lako hupatau anna olo'-olo'.