Beliebte Verse in Matius 15

Teilen

Jaji, apa to messun jio timu, pole jio ngasan mai penawa, iamo joo to ncarepai tau. Nasaba' pole lan mai penawa to nanii pangtangngaran gaja' na mpalao sala tau susinna: mangbuno, manggauk sala, ncarepai tananan dapohna tau, boko, sa'bi tangtongan, na mpau gaja' tau.

Te'da na ia to dikandena ncarepai tau, apa iara to messun jio mai timu, anna mentangsipato'mo to tau ssompa Puang Allataala.”

‘Nakua Puang Allataala: Ia tee mai tau kadanna manda kumua napakala'bihna', apa sitonganna te'da nakasiri'na'. Te'da bua'na ssompana', nasaba' ia to napangpangngajaran atoran tolino, butung to kumua mpangpangngajaran parenta-Ku'.’ ”

Nakuanmi, “Ee, indo', matappa' tonganko! La jaji to mupeta'da.” Ia joo wattu ta'pa malagah bang unami joo anakkana.

Suju'mi joo baine jio olo-Na Puang Isa nameta'da nakua, “Oo Puang, tulungna' dikka'.” Mebalimi Puang Isa nakua, “Te'da namelo ke dialai to kandena pea nadiben asu.” Mebalimi nakua, “Oo Puang, tongan tuu, apa ia to asu ngkande bota to polloh do' sulluk mejana puangna.”