Beliebte Verse in Baɗitari 26

Teilen

Ndzi tsu akwa tsəɗi ngəni katagu, tsuwa I ata ndzi adzə nga, kəi vədza ala gə barka. Kamnyar I ata hamta shanga tsəɗiyayeri ngəni ala gə ka kəkayeri ar nga, kəi nghyaɓəla alkawal tə I kətə ka kahyel aka baba' nga Ibrahim.

I ata hara ka kəkayeri ar ngə sə ndzi hang apa sasəlkayeri na amtazi, kəi hamta ala ɗa shanga tsəɗiyayeri ngəni. Tsuwa atar kəkayeri ar nga, antə shanga mjir duniya ata wutə barka. I ata hara ala ga apani kamnyar tə Ibrahim na baba' nga ku nu su tə I pəla alari, ka shanga suayeri tə I bara ka tsa hara, ka shanga tsawayeri arna.”

Antə tsa sharardzi raka kazhar vəi nda ka lamta jiɓə damwa. Amma da aɗi beɗi ata kəra ngəni wa, antə tsa kəga thləma jiɓə ngəni Rehoboth, watau “bəbal na bau”, kamnyar tsa pəla, “Kulini MTHLAKU ku na ala yeru bəbal na ata mzhi yeru, antə yeru ata yatədzi akwa tsəɗi ni.”

Antə MTHLAKU ku ncantə kərni aka Ishaku ka pəla alari, “Ga aɗiya ləghəi akwa Masar wa, amma ka gə ra ndzəndzi akwa tsəɗi tə I ata pəla ala ga.

Antə Ishaku ku namtə bagaɗi ar hamta saɗaka anda, ka kəga thləma MTHLAKU akwa vəngkər səli. Anda tsuwa antə tsa nci tentərni. Tsuwa tsu anda antə buɗayeri arni jaktə lamta jiɓa damwa.