Beliebte Verse in Baɗitari 25

Teilen

Antə MTHLAKU pəla alari, “Mji suɗa an akwa kuta ga, antə mji ngəni suɗa akwa gə ni ata ndəkəmtadzi. Mdə na pal ata ndzi ɓəɓal ta nvwa ni, na olari an ata hara mafakur aka na ntsahari.”

Antə Isuwa pəla aka Yakub, “Kətsa ali poteyir ngə na mamza ni bu, kamnyar mi akwa kətə ra ka duna. An su na hara tə mda ana kəga Isuwa abbər Edom, watau ‘mamza’ ni.”

Antə Ishaku ku hara adduwa aka MTHLAKU ata kəra mwalankiɗa Rubeka, kamnyar tsa aɗi mzhi kətə hur wa. Antə MTHLAKU ku nggatə adduwar Ishaku antə Rubeka ku kətə hur.

Antə Isuwa pəla, “I ata mnya mtə diya, ka man tə olkur yarakəmakur ata dlar ra akwa ri?” Amma Yakub pəla, “To, ai tar ma ga ku kahyel ali katagu.” Antə Isuwa ku kahyel alari abbər, “I ku ɗələmta ala gə olkur ar ndzi yarakəma ni.”

Aghəla nda antə ɓzərma'ni səɓəla, ka matədukwa Isuwa akwa tsiyari. Apani antə thləmari ku ndzi Yakub. Ishaku ka məvari ngkwakumari sakatə mdə yaɓəla ɗa.

Ishaku ku hir Isuwa, kamnyar kum mtaku tə Isuwa ana tsi ka səntə alari, amma ar Rubeka tsa hir Yakub.