Beliebte Verse in MATEUS 24

Teilen

Apamaneh marga saka saya wuwuhe duraka, temahan wong kang akeh-akeh padha suda katresnane. Nanging sing sapa mantep tekan ing wekasan, iku bakal rahayu.

Sarta Injiling Kraton iki bakal kawartakake ing saindenging jagad minangka paseksi marang sakabehing bangsa. Sawise iku lagi dina wekasan.”

Kowe bakal krungu swaraning perang utawa kabar-kabar bab perang. Nanging diawas, aja padha kaget, sabab iki kudu kalakon, ewadene iku durung wekasane.

Sabab bangsa bakal nglawan bangsa, krajan nglawan krajan. Bakal ana pailan lan lindhu ing pirang-pirang panggonan. Nanging iku kabeh mung lagi wiwitaning sangsara ngarepake jaman anyar.

Langit lan bumi bakal sirna, nanging tembungKu ora bakal sirna pisan-pisan.

Amarga akeh wong kang bakal teka nganggo jenengKu lan calathu: Aku iki Sang Kristua, sarta bakal nasarake wong akeh.

Ing nalika iku kowe bakal dipasrahake supaya disiksa lan kowe bakal dipateni sarta bakal disengiti dening sakabehing bangsa marga saka jenengKu. Ing kono bakal akeh wong kang murtad sarta padha ulung-ingulungake lan sengit-sinengitan. Lan maneh bakal akeh nabi palsu kang muncul lan nasarake wong pirang-pirang.

Paring wangsulane Gusti: “Padha diawas, aja nganti kowe disasarake ing wong!

Awit saka iku, kowe uga padha rumantia, amarga rawuhe Putraning Manungsa iku ing wayah kang ora koknyana.”

Mulane padha rumantia, amarga kowe ora ngreti dina rawuhe Gustimu.

Mung bae, mungguh dina lan wayahe iku, ora ana wong siji-sijia kang sumurup, para malaekat ing swarga ora, Sang Putra iya ora, kajaba mung Sang Rama piyambak.”

Sabab kristus-kristus palsu lan nabi-nabi palsu bakal muncul sarta padha nganakake tandha-tandha kang nggegirisi lan mukjijat-mukjijat; saupama bisaa mangkono, iku padha arep nasarake para wong pilihan uga.

Sabab kayadene nalika jamane Nabi Nuh, iya mangkono besuk bakal rawuhe Putraning Manungsa. Marga padha kaya dhek jaman sadurunge banjir patopan, wong-wong padha mangan lan ngombe, omah-omah lan ngomah-omahake, nganti dina anggone Nabi Nuh lumebet ing prau, lan padha ora nglegewa nganti tekane banjir kang nyirnakake wong-wong mau kabeh, mangkono uga besuk ing dina rawuhe Putraning Manungsa.