Beliebte Verse in Marg 11

Teilen

Jiphachiang è gu nathek shii izai yao dang phro, “khuchung magunde, nathek migi è Hamangkhung-aphuii shii sia srane nyie lia magunde, nathek jine mua jong rone migi rek bo, chiihphado, nathek è nyie lia pha ji ne phi ruii phro.”

Gu nathek shii izai yao dang phro, hanyie è lubu è migi now srane hì pha phiing shii hùg srane khamuii hà fen bo ne yao na de, jine re dun phro. Jishii, ithek è nyie yao pha ji shii migi now chid phro, chiihphado, re ruii phro, chiih-è ji re pha rek phi phro.

Nathek jai srane Hamangkhung-aphuii shii sia pha saro arone, misia sia pha ishak shii nathek shii hanyie magunde gidieg rek ne de aishii khung phi bi bo, chiihphado nathek ro asi pha blia rek pha ji de Hamangkhung-aphuii è khung phi phro.

Isu è ithek shii yao, Hamangkhung-aphuii shii migi rek mage bo.

Chiih-è, branthek shii yao: “Hamangkhung-aphuii ro jigigam ne hì è zey ne um ro, gu Misiahò ne zab pha branthek è sia pha hò ro, jishii, ithek è ji pha Hamangkhung-aphuii ro Misiahò ne mugo pho si pha hò rab ne ruii mua ro.”

Ibi idoh luagieng pha branthek è ziak ne yao, “Hamangkhung-aphuii! Na ne bajo wie ro, hanyie Hamangkhung-aphuii pha ibeng è wuii pha bran jishii ne khirzey phi ara.

Hamangkhung-aphuii è Aphuii saja Dawid aphuii pha Sajathua pha ji shii ne khirzey phi phro, Hamangkhung-aphuii na ne bajo wie ro!”