Beliebte Verse in Éksondo̱ 17

Teilen

Kó kjiꞌanga Moisee̱ iskjininkꞌa tsja, xota̱ Israee̱l katsꞌén kui kjo̱a̱xcha̱án, ta̱nga kjiꞌanga Moisee̱ tsꞌenje̱ngi tsja, xota̱ Amalee̱k katsꞌén kui kjo̱a̱xcha̱án. Kó ti̱chaa̱n jenda tsja Moisee̱ nga iskjininkꞌa, kósꞌe̱ Aaroo̱n ko̱jo Uu̱r iskjíbé ngo ndi̱jo̱ xi katsꞌénkꞌíjñasón Moisee̱, kósꞌe̱ nga ngo nga ngo kui jaá kisꞌińdotꞌaa̱, ngo nga skoón sꞌe̱ ngo nga fojnií xi iskjininkꞌajo̱ tsja, kó kisꞌiee̱ ngaꞌniú tsja Moisee̱ ngaskande nga kamángixoón.

Kó Néná bi̱ katsoó Moisee̱: —Mejénna nga kꞌuínje̱ ji xota̱ Israee̱l ngaskande nínga tikón na̱xi̱ Oree̱b. Ki̱a̱ skoyaa ji nga̱soón ndi̱jo̱o̱. Ji tꞌentjén ji, kó tꞌenje̱ ji chiboa ngito̱ko̱o̱ xota̱ na̱xi̱ńdaá. Chꞌi̱e̱ ji yánísié xi akjaní ji ndáfoaa̱ ndejèꞌ Niloo̱ nga jín kamá. Ngije kjóchí ji ki̱a̱a̱, tjaní ji yánísiée̱ kui ndi̱jo̱o̱, kó ki̱a̱ kjo̱tjoni ndáfoa, kó ngayeje xotaa̱ ka̱ma kꞌuí. Kó Moisee̱ katsꞌén ngayeje kui nii̱ ngindyi̱ko̱n ngayeje ngito̱ko̱o̱ xota̱ na̱xi̱ńdaá. Kó kui ngi̱ndiee̱ Meribaa̱ ítꞌajaꞌén, nga niꞌánxchánjo̱ tsó kui nii̱, ngatꞌa̱ xota̱ na̱xi̱ńdaá ki̱a̱ boá nínga katsꞌénxchánjo̱ Néná. Kó ti̱ Masaa̱ ítꞌajaꞌén nga, ni xi sꞌijinjínná tsó kui nii̱, ngatꞌa̱ jó ján íjñaá ini̱ma̱a̱ kjo̱a̱a̱ ngaꞌniú xí tjiín Néná nga skoón kui xotaa̱.