Beliebte Verse in Éksondo̱ 16

Teilen

Kó bi̱ katsoó: Jún kꞌi̱e̱ kjindibájo̱jnú ji̱n kui ngi̱ndie kixií tsi̱ꞌe̱ nga kꞌi̱e̱ ko̱yà bojójne̱. Ta̱sara̱ ndatsi Néná ki̱a̱ katsꞌénkꞌiénjne̱ nangi Ejipto̱. Ngatꞌa̱ kui ngi̱ndie jàn kisꞌiejne̱ ti̱jìꞌásó yiꞌi xi tjikítsie má yojo xi kachján, kó kichiniejne̱ ngaskande nga nda kitsiejne̱. Kósꞌe̱ Néná bi̱ katsoó Moisee̱: A ye kó sa̱ꞌin an, nkꞌa jàn kji̱ndi̱bájénni ni xi skji̱ni̱e̱ xotaa̱ ndyiojón ndyiojón, ta̱nga xotaa̱ ta̱ bo̱a̱ tsí kjiꞌi kjo̱a̱ꞌátikó kui nichiniee̱ xikó kjiꞌi kju̱i̱e̱e̱ nga ngo ni̱xtjin. Ni̱xtjii̱n xi ma juu̱n jó bo̱a̱ kjiꞌi xikó kjiꞌi kjinie nga ngo ni̱xtjii̱n kjo̱a̱ꞌátikó. Skotꞌayákón mára an tsi tsꞌénkjátjosónna ko̱jo tsi jmí.

Kó ki̱a̱ nangi kixií ngayeje xota̱ Israee̱l katsꞌénxchánjo̱ Moisee̱ ko̱jo Aaroo̱n.

Kósꞌe̱ Moisee̱ ko̱jo Aaroo̱n, bi̱ katsoó xota̱ Israee̱l: Ánní nga ndyi̱niꞌánxchánjnú, xi jmí ni yàjínjne̱ kjo̱a̱a̱ kui ni xi kjimaa̱. Kjiꞌanga ji̱n xi ndyi̱niꞌánxchánjo̱jnú jún, nga ja̱koxi̱ Néná boá xi ndyi̱niꞌánxchánjo̱jnú, ngatꞌa̱ kuí boá xi tsóyàjne̱ ni xi niꞌánjne̱. ¡Kó Néná jè tsintꞌié ni xi ndyi̱ꞌmìjnú! Néná boá xi tsꞌaxiéjnú nangi Ejipto̱, kó jmí tsi ji̱n. Kuíni nga kui kamángixoón xcha̱jnú nga kꞌi̱e̱ tikón Néná ngi̱jii̱n jún, ngatꞌa̱ tsja̱ajnú yojo xi xi̱ni̱e̱jnú. Kó ndyiojón ta̱jñó xcha̱jnú, ngatꞌa̱ tsja̱ajnú ngayeje pan xi ka̱ma xi̱ni̱e̱jnú.

Jè tsintꞌié an nga ndyi̱tsꞌènxchán xota̱ Israee̱l, ta̱nga bo̱a̱ tꞌíi̱n nga ngotꞌe̱ má sku̱i̱e̱ ꞌyání xi Nee̱. Nga ka̱mangixoón tsjàa̱ nga skji̱ni̱e̱ yojo, kó nga ta̱jño̱ó tsjàa̱ nga skji̱ni̱e̱ pan.