Beliebte Verse in Mataayo 24

Teilen

Ikange, avaanu vongosu valɨlekelwa ʉkʉvagana avange ʉlwakʉva imbiivi tsilaava tsyongelye siitso. Lɨno, ʉmuunu ʉvaveetsaga ʉvalaava ikɨjʉmɨɨlɨtsa ʉkʉsika kʉ vʉmalɨlo, vɨ ʉNgʉlʉve alampoka.

Ikange ɨLivangɨli lya Lʉdeeva lwa Kʉkyanya lɨlalʉmbɨlɨlwagwa mu kɨlʉnga kyoni pakʉta vʉve wooleletsi kʉ vaanu va sivʉmbʉkʉ syoni. Pwʉ kʉ nsɨkɨ ʉgwa ʉvʉsililo wa kɨlʉnga vʉliitsa.

Ʉnsɨkɨ ʉgwa mulapʉlɨkaga ikulongwi tsa magoha ni vuguuvugu tsa magoha. Mwitse mwɨlekelwe ʉkʉdwada ʉlwakʉva ago wɨgane wa Ngʉlʉve giitse gahʉmɨle taasi, wʉ ʉvʉsililo wa kɨlʉnga vʉpitsiige vʉkaanale ʉkwitsa.

Ikange avaanu va kɨlʉnga kɨpamato valalwitsaga na vaanu va kɨlʉnga ɨkɨnge, nʉ lʉdeeva lʉpamato lʉlalwitsaga nʉ lʉdeeva ʉlʉnge. Kɨlahʉmɨlaga ɨkɨlindima kʉnʉ na kʉnʉ, nɨ nzala jɨlagwitsaga. Ago gooni galaava ndʉ vʉtengʉlʉ wa lʉvavo lwa kʉholwa ʉmwana.

Ʉvʉtandaatse nɨ kɨlʉnga silajaga, apeene amamenyu gango nagalajage lʉsiku.

Lola, valiitsaga avaanu vongosu nʉ kwɨvɨɨka neene, valateetsaga, ‘Ʉne neene Kɨlɨsiti!’ Naveene valavatekeletsaaga avaanu vongosu.

Ʉnsɨkɨ ʉgwa, avaanu va sivʉmbʉkʉ syoni valavasʉʉla ʉnyie, valavabeelaga, valavapelelaga ʉvʉkʉvɨlwa nʉ kʉvabuda ʉlwakʉva mukʉngʼonga ʉne. Pwʉ ʉnsɨkɨ ʉgwa, avaanu vongosu valɨlekelwa ʉkʉngʼonga ʉne. Valahendamanaga nʉ kʉsʉʉlana vaveene kwa veene. Pa nsɨkɨ ʉgwa, valahʉmɨlaga avanyamalago vongosu va vʉnuasi nʉ kʉvatekeletsa avaanu vongosu.

ɄYɨɨsʉ aavaandile akata, “Mutaamage miiho, aleke ʉmuunu ʉvaveetsaga ʉkʉvasyova!

Pa kulongwi ɨjɨ najyʉnyie, mutaamage mwɨsaawe, manya ʉMwana va Muunu, aliitsa ʉnsɨkɨ ʉgwʉ namuhʉʉvɨla.”

Pwʉ mutaamage miiho ʉlwakʉva namukɨmanyili ɨkɨgono ɨkyo ɨkyʉ ʉNtwa viinyo aliitsa.

“Lɨno ikulongwi tsa kɨgono nʉ nsɨkɨ ʉpwʉ ʉMwana va Muunu aliitsa, nakʉli ʉmuunu ʉvɨ alʉmanyile, vave wʉ vasuungʼwa va kʉkyanya, pange vɨ Mwana, apeene mwene ʉDaada vɨ alʉmanyile.

Lola, valiitsa avaanu avanuasi ʉwʉ nʉ jyʉnge alɨtsovaga ʉkʉta vɨ Kɨlɨsiti evo vɨ nyamalago. Valavombaga isidego isivaha pakʉta vavasyove, pangave poonu nava vahalwa va Ngʉlʉve.

Ndʉwʉ jyale mu sigono sya Nwaka, wʉ jɨlaava ʉkwitsa kwa Mwana va Muunu. Mu sigono isyo, wʉ ʉlwongometso nalʉsiiki, avaanu vaalitsaga nʉ kʉnywa, vaategʉlaga nʉ kʉtegʉlwa ʉkʉsika pa kɨgono ɨkyʉ ʉNwaka iingye mu ngalava. Avaanu avo navaalʉmanye ɨkiitsaga kʉ veene ʉkʉsika ʉpwʉ ʉlwongometso lukʉvoongometsa vooni. Ewo wʉ jɨlaava ʉkwitsa kwa Mwana va Muunu.