Beliebte Verse in Roma 9

Teilen

Agaw, makita da natun na amadawat natun yang kadyawan ng Tohan dili sabap sang karim atawa pagpaningkamot ta, awgaid sabap sang looy nan.

Kay maynini yang pyaglaongan ng Tohan kang Nabi Mosa, laong nan, “Akallatan ko daw sino yang karim ko kallatan. Aw akaoyan ko daw sino yang karim ko kaoyan.”

Awgaid yani yang tobag ko kanan. Sino kaw na magalalis sang Tohan? Manosiya pa kaw gaid. Aon bay banga na yagalaong sang yaga-inang kanan, “Nanga maynini yang pag-inang mo kanak?”

Agaw, katigaman da natun na akaoyan ng Tohan daw sino yang karim nan kaoyan, aw apatigasun nan yang pangatayan ng otaw na karim nan patigasun.

Dili! Kay yang tig-inang ng banga, yan yang makabuut daw ono yang inangun nan. Sikun sang sambok na masa ng lopa mapakay nan inangun yang dowangka klasi na banga, yang isa para sang barapantag na paggamit, yang isa oman para sang pangallaw-allaw na paggamit.