Beliebte Verse in มัด​ทาย 5

Teilen

หย่า ไม้ ม่าย เมี่ยน เตี๊ยม เหฒียะ ตัง ต้าย, เฒาะ ท้ง ฆบ เจี๊ยน. ตัง มต้าย ตน ตัง เญย ป้าย หฒิว ฌัง เหยียด เปย๊า เมี่ยน. เม่ย บัว หย่า อ๋อย หฒุ ฮนั้ง ตัง นอ, หฒิว ลู่ง เดี๊ย เมี่ยน. ฮนั้ง หน่าย, นิ่น บัว ตุ๊ ปวัด เม่ย บัว โหฒว เญย คู้ สี่ ฯฒฯ ท่าย เม่ย บัว เญย ทิน-ต้อง เตี๋ย.

“เม่ย บัว เซ ฮนั้ง ฌัง เหว่ย หฒิว ลู่ง เดี๊ย เมี่ยน. เหยียด นอม ฒี่ง เยียม วั้ว บง-นี้ง ไม้ ไฮ่ ปี๋ง ไม้ เบว์ย เมี่ยน.

ม่าย ธีง-เหฑ่ง เญย เฮญี้ยว วั้ว เต๋ย, ม่าย เฌียน-โย่ว อ๊ะ, เหว่ย หฒุ นิ่น บัว อ๋อย ตุ๊ ปวัด ทิน-ฮู่ง.

หง่อ อ๋อย โหฒว หอบ ทิน-ฮู่ง เญย เฮญี้ยว วั้ว เต๋ย, ม่าย เฌียน-โย่ว อ๊ะ, เหว่ย หฒุ ทิน-ฮู่ง อ๋อย ปุน นิ่น บัว ตุ๊ ปวั๊ง เอ๋ย.

มป่า อี้ หฒั่น เยีย ก๊อง บั๋ว เม่ย บัว, อ๋อย หฒุ ฮนั้ม เม่ย บัว เญย วิน-วั้ง. โหฒว โตะ เม่ย บัว วั้ว เต๋ย, อ๋อย หฒุ เถง นิ่น บัว เต๋า เก๋า.

“กั้น ฮิ้ว ตุ๊ กั้น เฉียม หฒุ ทิน-ฮู่ง วั้ว เต๋ย, ม่าย เฌียน-โย่ว อ๊ะ, เหว่ย หฒุ ม่าย ทิน-ฮู่ง โหฒว เฒี้ยว กุ๊น นิ่น บัว.

ขวิน อี ปูง เมี่ยน หอบ เฮญี้ยว ต้าย ม่าย แป้ง ออน วั้ว เต๋ย, ม่าย เฌียน-โย่ว อ๊ะ, เหว่ย หฒุ ทิน-ฮู่ง อ๋อย เหญี่ยม นิ่น บัว โหฒว นิ่น เญย น่าม โญ์ว.

ม่าย โยว-เฑ่า วั้ว เต๋ย, ม่าย เฌียน-โย่ว อ๊ะ, เหว่ย หฒุ ทิน-ฮู่ง อ๋อย เถง ไจ๊ โยว-เฑ่า.

เหว่ย โหฒว เอย ทิน-ฮู่ง เญย เอ๋ย หฒุ เมี่ยน โหฒว โตะ วั้ว เต๋ย, ม่าย เฌียน-โย่ว อ๊ะ, เหว่ย หฒุ ม่าย ทิน-ฮู่ง โหฒว นิ่น บัว เญย เฒี้ยว กุ๊น นิ่น บัว.

ค้อ-เลี่ยน เมี่ยน วั้ว เต๋ย, ม่าย เฌียน-โย่ว อ๊ะ, เหว่ย หฒุ ทิน-ฮู่ง อ๋อย ค้อ-เลี่ยน นิ่น บัว.

“เม่ย บัว เหว่ย เยีย หฒุ เมี่ยน ก๊อง โตะ, โหฒว โตะ, หฒุ เมี่ยน ก๊อง หญู่งๆ หว่าย เญย เจ๊า, เม่ย บัว ฯฒฯ ม่าย เฌียน-โย่ว อ๊ะ. อ๋อย หฒุ เฌียน-โย่ว อะเฮน้ย เหว่ย หฒุ เยียม วั้ว ทิน-ต้อง ม่าย ต้ม ฒี่ง เหญ่ย อ๋อย ปุน เม่ย บัว. ฒิ่น ด่าง โต่ว หว่า เมี่ยน ฟี่ ฮนั้ง เญย หฒุ เมี่ยน โหฒว โตะ.

เฮญี้ยว ส่วน วั้ว เต๋ย, ม่าย เฌียน-โย่ว อ๊ะ, เหว่ย หฒุ ทิน-ฮู่ง แล์ง ปุน เญย, นิ่น บัว อ๋อย ตุ๊ ฒิบ เหฑ่ง.

“เม่ย บัว เซ ฮนั้ง เฑ้า เหว่ย เยียม ป้าม เมี่ยน บุด๋ง. มป่า สี ก๊อง เฑ้า เญย เหมวย ถุย ฒ้าม มี่ง, ฮนั้ง หาย นอ หน่อย ตุ๊ แอ๋ง ฑ่าย ต้าย? น้าย เต๋ย เฑ้า ไม้ ลั่ม หล่ง อ๊ะ. อ๋อย หฒุ โต๋ กวั่ง ปุน เมี่ยน ธ้าย ฮนั้ง.

“เม่ย บัว อ๋อย หฒุ ตุ้น ยุ่น, ฮนั้ง เม่ย บัว เญย ทิน-ต้อง เตี๋ย นอ, ตุ้น ยุ่น.

เม่ย ขูง อ๋อย หฒุ ก๊อง หฒะ เฒ์ย ไฟ ไม้ เฒ์ย เก๋า อ๊ะ. แอ๋ง ก๊อง เก้า ธั้ม หน่าย เซ เยียม ฮยวัง เอ๊าะ วั้ว เต้า ต้าย.

“เม่ย บัว ไฮ์ เจี๋ย โล์-ฮนอย หฌาว เมี่ยน น้าย โจ๋ว หว่า, ‘มฒีง จ๊าว มฒีง, ญ่า จ๊าว ญ่า.’ มป่า อี้ หฒั่น เยีย ก๊อง บั๋ว เม่ย บัว, เมี่ยน โหฒว ต่อง ปุน เม่ย, ไม้ ตู๋ง จ๊าว วิน. สี ก๊อง ม่าย เมี่ยน ไบ๋ เม่ย เญย บย่าว ปูง เฮมียน, อ๋อย หฒุ เลี่ยม หฒาย แหมง ปูง ฮวิน มี่ง ปุน นิ่น ไบ๋.

ฮนั้ง หน่าย, สี ก๊อง เม่ย เญย บย่าว ปูง มฒีง ดั๊ว เม่ย ป์าม ฒุ์ย, อ๋อย หฒุ เกว๋ย กวั่ง. เม่ย เญย ซิน หว่าย ฝัง หธ่อ เก้า หลง เม่ย เญย เฒี่ยง ซิน หฒุ ด๊อด เต่ย หญัวะ. ก๊อง ฮนั้ง เม่ย เญย บย่าว เจี๊ยะ ปั์ว ปุน เม่ย ป์าม ฒุ์ย, อ๋อย หฒุ ฮงะ กวั่ง. โหฒะ เจี๊ยะ ปั์ว หธ่อ เก้า หลง เม่ย เญย เฒี่ยง ซิน หฒุ ด๊อด เต่ย หญัวะ.