Beliebte Verse in Ēfeto 6

Teilen

Taꞌe a tātou e moto ꞌā ki te taŋata; e moto ꞌana ki te tātane, te auraꞌa, ki a Rukifero ꞌe ki tāꞌana vaꞌehau taꞌatoꞌa ꞌina he takeꞌa mai haka tere i te nuꞌu noho ꞌi roto i te pōhāhā.

E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.

E uꞌi e hāpaꞌo kōrua hai meꞌe taꞌatoꞌa vaꞌai atu e ia mo haka hio-hio, ꞌo reo-reo atu kōrua e Rukifero.

E hāpaꞌo kōrua hai meꞌe taꞌatoꞌa vaꞌai atu e te ꞌAtua mo haka hio-hio ꞌi te hora moto atu e Rukifero. Pē ira e ko ravaꞌa i a kōrua.

E haka moe e oho te kōrua manaꞌu ꞌi ruŋa i a Ietū. Pē ira kōrua ka hāpaꞌo ena i a kōrua ꞌo hara ꞌi te hora haka ꞌatu atu e Rukifero, pa he vaꞌehau e maꞌu ena ꞌi te rima i te meꞌe ꞌaurī mo puru i te teꞌa pu-puhi ki a ia ꞌi te hora o te tamaꞌi. ꞌE ꞌina ko rehu ki te hora hopeꞌa pē nei ē: ko eꞌa ꞌana a kōrua mai roto i te ūtuꞌa o te hara ꞌe ko ravaꞌa ꞌana i te ora ꞌāpī ꞌina he hopeꞌa raꞌa vaꞌai e te ꞌAtua. Pē ira kōrua ka hāpaꞌo ena mai te reo-reo ꞌa Rukifero, pa he vaꞌehau e puꞌa ena hai haꞌu ꞌaurī mo hāpaꞌo i tōꞌona pūꞌoko. ꞌE e ꞌite kōrua mo moto ki a Rukifero hai vānaŋa o te ꞌAtua, he hoe vaꞌai atu e te ⌊Vārua Maitai⌋, pa he moto iŋa o te vaꞌehau hai hoe ꞌi te hora o te tamaꞌi.

E maꞌu hio-hio te parautiꞌa o te ꞌAtua pa he vaꞌehau e haratuꞌa ena i te pena mo haka noho i tōꞌona kahu ꞌi te hora oho ki te tamaꞌi. E tano te kōrua noho iŋa ki te mata o te ꞌAtua, ki riro ai rā noho iŋa he meꞌe mo hāpaꞌo atu i a kōrua pa he kahu aŋa hai ꞌaurī e hāpaꞌo ena i te uma o te vaꞌehau. E noho ꞌi roto i te haumārū vaꞌai atu e te ⌊roŋo riva-riva o ruŋa i a Ietū⌋, mo hio-hio o kōrua a te ara o te ꞌAtua, pa he vaꞌehau e uru ena i te kirivaꞌe mo haka hio-hio i tōꞌona rei iŋa ꞌi te hora oho ki te tamaꞌi.

E te taina, te vānaŋa hopeꞌa ꞌāꞌaku ka kī atu ena: ꞌi te hora taꞌatoꞌa e haka rē mā Ietū e haka haŋu atu hai pūai nui-nui ōꞌona.

ꞌĀꞌana, paꞌi, i kī ꞌi ruŋa i te ⌊Pāpaꞌi Moꞌa⌋: «E moꞌa te kōrua matuꞌa tane ꞌe te kōrua matuꞌa vahine». Te roŋo nei he roŋo raꞌe o te ꞌAtua ai o te hōrea mo te nuꞌu haꞌatura. Pē nei e kī ena: «Mo moꞌa ōꞌou i tuꞌu matuꞌa, he haꞌamaitai ꞌe he haka roa-roa au i tuꞌu noho iŋa ꞌi te ao nei».

E te ŋā poki, ꞌo te ai o kōrua ꞌa Ietū Kiritō, e haꞌatura ki te kōrua matuꞌa, he meꞌe tano mo aŋa e kōrua.