Beliebte Verse in Коринфынхидтэ 2-дохи 5

Teilen

Христостой нэгэдэһэн хүн бүхэн шэнэ хүнүүд гээшэ: урданай юумэнүүд һүнэгдөөд, бүхы юумэн шэнэдхэгдэбэ.

Бурхан маанадай түлөө ямаршье нүгэлгүй байһан Христосто манай нүгэлнүүдые ашаа. Тиигэжэ бидэ Христостой нэгэдэн, Бурханда зохистой болообди.

Бидэ хаража байһан юумэндэ бэшэ, харин һүзэг этигэлдэ найдан ажамидарна ха юмди.

Эдэ бүхы юумэнүүдые Бурхан бүтээгээ. Тэрэ маанадтай эбээ нэгэдхүүлхын тула Христосые эльгээгээ, тиин эб нэгэдхүүлхэ тухай номнохые маанадта даалгаа. Бурхан Христос соо оршожо, энэ дэлхэйн зонтой эбээ нэгэдхээ, нүгэлнүүдыень хүлисөө. Тиигээд эб нэгэдхэхэ тухай мэдээсэлээ маанадта даалгаа.

Бидэ Христосой нэрээр эльгээгдэһэн байгаабди, тиин Бурхан бидэнэрээр дамжан таанадта гуйн хандана. Бурхантай эбээ нэгэдхэгты гэжэ бидэ Христосой нэрээр таанадые гуйнабди.

Бүхы хүнүүдэй түлөө тэрэ үхөө. Тиимэһээ амиды байһан хүнүүд өөһэдынгөө түлөө ажамидарха бэшэ, харин тэдэнэй түлөө үхөөд амидырһан Христосойл түлөө ажамидарха ёһотой. Тиимэһээ бидэ энэ сагһаа эхилээд хэнииешье энэ дэлхэйн заргаар бү шиидхэе. Нэгэтэ бидэ Христосые энэ дэлхэйн заргаар шиидхэһэн байгаабди, мүнөө тиигэхэеэ болёобди.

Маанадые Христосой хайра дуран захирна, тиин хүн бүхэнэй түлөө нэгэ хүнэй үхэбэл, тэрэ үхэлыень хүн бүхэн хубаалсана гэжэ бидэ мэдэнэбди.