Beliebte Verse in Balooma 11

Teilen

Nanga niiye akaleka bintu byona byabʼo, niiye akabihanga kandi byona mbintu biye. Luhanga oghu aaliiye bantu boona baaha ki̱ti̱i̱ni̱sa bilo nʼebilo! Aami̱i̱na.

Ee, Luhanga ngʼali na magheji ghakani̱ye kandi kumanya kuhingulaane! Taaliyo muntu oghu akugubha kukenga ebi akweli̱li̱kanagha, kandi oghu akugubha kukenga ebi akukolagha!

“Ni ani̱ buuye amani̱ye byeli̱li̱kano bya Mukama? Kedha ni ani̱ oghu akumuhanuulilagha?”

Nahabweki, nʼendindi hanaliyo bantu bakee aba Luhanga aakomi̱yemu haabwa ngughuma siye. Ti̱i̱ni̱ obu alaba naabaghiliiye ngughuma, teeli haabwa bikoluwa byabo, nanga naabaaye naabakomi̱yemu haabwa bikoluwa byabo, esi sikuba sitali ngughuma.

Bamui mu Banai̱saaleeli̱ tabaatu̱ngi̱ye haa mu̱gi̱sa ghuni ghwaku̱si̱i̱ma Makulu Ghasemeeye ghaa Luhanga, niikuwo enu̱we batali Bayu̱daaya mughatunge, kandi niibuwo mweghonjela mu mu̱gi̱sa oghu. Tamukulaghiluwa kwepankilʼo Banai̱saaleeli̱ aba bbaa. Muusuke ngu; taali̱i̱nu̱we mwaleki̱ye Luhanga aaha ebo mi̱gi̱sa, bhaatu niibo baaleki̱ye Luhanga aaha enu̱we mi̱gi̱sa.