Beliebte Verse in Romanee 15

Teilen

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Son cre‐erbee ny reddyn v’er nyn scrieu ’sy traa t’er n’gholl shaghey, v’ad scruit son yn ynsagh ain; trooid meenid as gerjagh ny scriptyryn dy voddagh treishteil ve ain.

Nish dy giall y Jee dy veenid as dy gherjagh diuish dy ve jeh un aigney yn derrey yeh gys y jeh elley, lurg Creest Yeesey: Dy vod shiu lesh un aigney as un veeal Jee y ghloyraghey, dy jarroo Ayr nyn Jiarn Yeesey Creest.

Shen‐y‐fa jean‐jee soiaghey yn derrey yeh jeh’n jeh elley, myr ta Creest myrgeddin er n’yannoo soiagh j’in gys gloyr Yee.

Lhig da dagh unnane ain shirrey e naboo y wooiys, son y foays echey dy niartaghey e chredjue.