Beliebte Verse in 1 Corinthianee 3

Teilen

Nagh vel fys eu dy nee shiuish chiamble Yee, as dy vel Spyrryd Yee baghey ayndiu?

Son undin elley cha vod dooinney erbee y hoiaghey, agh shen ny ta er ny hoiaghey, ta shen Creest Yeesey.

Myr shen eisht, cha vel eshyn ta dy hoiaghey jeh coontey erbee, chammoo eshyn ta dy ushtaghey: agh Jee, ta dy vishaghey.

Son ta shinyn co‐obbreeyn fo Jee: ta shiuish farrysthie Yee, shiuish troggal Yee.

Bee obbyr dy chooilley ghooinney er ny hoilshaghey: son ver yn laa lesh eh gys soilshey, er‐yn‐oyr dy bee eh er ny hoilshaghey liorish aile; as nee’n aile obbyr dy chooilley ghooinney y hrial, cre’n sorch te jeh.

Nish eshyn ta soiaghey, as eshyn ta gushtaghey, cha vel ad agh unnane: as yiow dy chooilley ghooinney e leagh hene, cordail rish e laboraght hene.

Ny lhig da dooinney erbee eh hene y volley: My ta dooinney erbee ny vud eu goaill er hene dy ve creeney ’sy theihll shoh, lhig da ve ny ommydan, dy voh eh ve creeney.