Beliebte Verse in KINAWANSAYAN 28

Teilen

Ilaai no do manud-tanud oku i' kasai' diya', om hinonggo nopo o tongoyon nu nga' intirungan kasai' ku i' iya' om pogulion tiya' i' kawagu do hiti'd pomogunan diti. A' oku i' tumongkiad diya' dot a' ku po ongowonsoi i pinabatos ku diya',” ka nogi' do TUHAN.

Om hino nogi' o TUHAN do poingkakat do hiri'd toning dau. Om boros ka nogi' do TUHAN, “Iyoho' no o TUHAN, i Kinorohingan di tukuon di Abraham om i Isak. Patahakon ku indo dot id diya' om id sinakagon nu iti tana' do pasagalai diti nodopon nu.

Om koposik no i Yakub om boros kaddi dau, “Haro pama o TUHAN do hiti'd kinoiyonon diti! A' ku i' daa noilaan do hiti iyau! Nga' noilaan ku nogiddi do hino iyau'd hiti,” ka dau.

Om sumpa' nogiddi i Yakub dot id TUHAN, “Ondung manud-tanud ko doho' om mongintirung ko doho' do solinaid ku do manau-panau, om manahak ko doho' do takanon om pakayan, om ondung osonong-sonong oku do koguli' kawagu do hilo'd walai di tapa' ku, om iya' no ot osiliu do Kinorohingan ku. Om iti nopondo watu do pinoudong ku, om osiliu nondo do tiyonon do sumambayang dot id diya', om patahakon ku diya' o sompihopod do koinsanai di patahakon nu doho',” ka dau.

Kogumuon nopondo do sinakagon nu om miagal pod pupuk do tana' do hiti'd pomogunan. Om paraladon nondo diyolo' i tana' diyolo' do poingkaa ponong id koulayon, om kotonobon, om utara om salatan. Om iya' nondo om i sinakagon nu o pawayaan ku do barakat do patahakon dot id koinsanai'd bansa' do hiti'd pomogunan.

Om pungaranai no dau o kinoiyonon diri do Baitol. (Ngaran nopo daa di kinoiyonon diri di gulu po om Lus.)