Beliebte Verse in KADADIAN 28

Teilen

Manassa la Kurondongko sia la Kurinding pala’ko umba-umba muola sia la Kupasuleko indete padang iate, belanna tae’ angKu la untampeko sae lako Kupogau’na tu apa mangka Kuallu’ lako kalemu.

Manassa den tu PUANG bendan dao anNa ma’kada Nakua: Akumo tu PUANG, Kapenombanna Abraham, nene’mu, sia Kapenombanna Ishak, na iate padang munii mamma’ la Kubenko sia la Kuben bati’mu.

Pakalan anna pana’dingmo tu Yakub, na ma’kada nakua: Den pale’ tu PUANG indete inan iate, natae’ angku issanni!

Mangallonammi tu Yakub nakua: Iake Narondong siana’ Puang Matua sia Narinding pala’na’ dio lalan, tu kuolai totemo te sia Nabenna’ la kukandena sia tamangkale la kupake, angku sule marampa’ lako to’ banuanna ambe’ku, manassa PUANGmo tu Kapenombangku. Iate batu tu kupabendan la dadi misa’ tanda dianna batu silambi’ iato, mendadi banuanNa Puang Matua, angku penombangKomi sangtaa sangpulona tu mintu’ barang apa Mikamaseanna’.

Iatu bati’mu la susi barra’-barra’ sia la tumale’ko lako matallo matampu’, rekke ulunna salu sia sau’ pollo’na uai, nalan kalemu sia lan bati’mu nanii tu mintu’ suku lan lino unnappa’ karongkosan.

Nasangaimi Betel tu inan iato, apa iatu sanga dolona tondok iato, disanga Lus.