Beliebte Verse in KATASSURAN 8

Teilen

Natobami to paissan-issan umpogau’i susito tete dio pa’basa-basana, la umpabu’tu katamuk, apa tae’ nakullei; ta’pami tu katamuk dio lu mintu’ to lino sio dio lu mintu’ olo’-olo’. Ma’kadami tu mintu’ to paissan-issan lako Firaun, nakua: Iamote tu rakka’Na Puang Matua! Apa makarra’ tu penaanna Firaun naurungan tae’ naturu’i tu kadanna, susitu Napokada PUANG.

Mangkato Nakuami PUANG lako Musa: Maleko mennolo lako Firaun, pokadanni: Inde sia tu kadanNa PUANG, Nakua: Rampananni tu taungKu, namale umpenombaiNa’.

Iatonna tiromi Firaun kumua radanmo tu kamandasan, magasaomi penaanna, naurungan tang umperangii tu kadanna sola duai, susitu Napokada PUANG.

Iammu manoka unneloranni tu tau iato male, manassa la Kupandasa tu mintu’ lili’na tondokmu, Kuparampoi tokko’.

Ma’kadami PUANG lako Musa, Nakua: Pokadanni Harun: Angka’i tu tekkenmu, sambakki tu barra’-barra’, anna membali katamuk lan lu mintu’ tondok Mesir.

Napogau’mi PUANG susito; ta’kala saemi tu tabuan lendu’ budanna tama tongkonan layukna Firaun sia banuanna mintu’ to mase’ponna sia ussamboi mintu’ tondok Mesir, naurunganni narua kamandasan tu tondok iato napobua’ tabuan.