Beliebte Verse in KATASSURAN 7

Teilen

Ma’kadami PUANG lako Musa, Nakua: Kupabutungko Puang Matua lako Firaun; na Harun kakammu la butung nabimmu.

Apa Aku la umpabattuk penaanna Firaun sia Aku la umpabudai tu tanda mangnga sia tanda kalle-kalleangKu lan tondok Mesir. Apa tae’ na la unturu’i Firaun tu kadammi sola dua. Iamoto angku la umpata’pai lima tu Mesir sia ussolanni tu surodadungKu, iamotu mintu’ taungKu Israel lan mai tondok Mesir tete dio ukungan kapua.

Anna issanni to Mesir kumua Akumo tu PUANG, ke unnangka’mo’ limangKu lan tondok Mesir sia ussolanni tassu’ tu to Israel lan mai tau iato mai.

Natambaimi Firaun tu mintu’ to paissan sia mintu’ balik mata, na mintu’ tu to Mesir den issan-issanna umpogau’ dukai susito tete dio basa-basana. Pada napempa’nakammi tu tekkenna, anna dadi ula’, apa naamma’ nasang tekkenna Harun tu mintu’ tekkenna tau iato mai.

Iamoto nakua kadanNa PUANG: Diona te apa iate la munii unnissanni, kumua Akumo tu PUANG: tiromi iate tekken kutoe, la kusambakan uai diong salu Nil, anna membali rara.

Ianna ma’kada tu Firaun lako kalemi, nakua: Patiroanna’ tu tanda mangnga, la ma’kadako lako Harun: Alai tu tekkenmu; pempa’nakanni rokko padang dio olona Firaun, anna dadi ula’. Malemi tu Musa sola Harun mennolo lako Firaun, anna pogau’i sola duai susitu pepasanNa PUANG lako kalena; napempa’nakanni Harun tu tekkenna dio olona Firaun sia mintu’ to mase’ponna, anna dadi ula’.