Beliebte Verse in I Y-Timôthê 6

Teilen

Bi blah bĕ klei bi blah jăk kyua klei đăo. Djă păn kjăp klei hdĭp hlŏng lar. Kơ klei anăn Aê Diê iêô ih leh hlăk ih hưn jăk klei ih đăo ti anăp lu mnuih hưn bi sĭt.

Kyuadah klei khăp kơ prăk jing agha kơ jih jang klei jhat; leh anăn kyua klei tluh anăn đa đa klah đuĕ leh mơ̆ng klei đăo leh anăn bi truh kơ ai tiê diñu lu klei rŭng ênguôt.

Mâo lu klei tŭ dưn mơ̆ng klei mpŭ kơ Aê Diê mbĭt hŏng ai tiê mơak.

Kyuadah drei amâo tuôm djă ba sa mta mnơ̆ng ôh kơ lăn ala, leh anăn kăn drei dưi mă ba sa mta mnơ̆ng rei mơ̆ng lăn ala.

Mtă bĕ kơ phung mdrŏng hŏng mnơ̆ng lăn ala anei, đăm brei diñu jing mgao ôh amâodah čang hmăng kơ klei mdrŏng amâo sĭt ôh, ƀiădah čang hmăng kơ Aê Diê, Pô brei kơ drei êbeh dlai djăp mta mnơ̆ng dưi bi mơak kơ drei.

Bi phung čiăng jing mdrŏng lĕ hlăm klei mplư, djŏ kđông, leh anăn mâo lu klei čiăng mluk leh anăn bi knap. Klei anăn atăt mnuih kơ klei rai leh anăn kơ klei luč.

Mtă kơ diñu ngă jăk, jing mdrŏng hlăm bruă jăk, jing kmah leh anăn thâo bi mbha kơ arăng. Snăn diñu mkăm kơ diñu pô atur jăk leh anăn kjăp kơ ênuk êdei, čiăng kơ diñu dưi djă păn klei hdĭp sĭt nik.