Beliebte Verse in Galatiya 3

Teilen

Laugagayo ye hegiluda na kita hededeheyababa logulogunaena. Na huyana Keliso se hekabasi sataulo unai meta kada hededeheyababa wa iya ye haidi, unai ede ye hemaisahaida. Doha kulikuli tabuna unai se kuliyako se wane, “Ena tamowai hesau sataulo unai se hekabasi meta iya hededeheyababa tamowaina.”

Unai ede bodamiuyena meta nige hekasana hesau, bena Dius o Giliki, heyayai tauhaina tamowaina o yailihai tamowaina, loheya o waihiu, matawuwuna ede Yesu Keliso unai maudoimiu ta meta boda kesega.

Ena komiu Keliso yona, meta komiu Abelahama kana isimulitao yo Abelahama lauhedamainao hededehesunuma wa debanaena.

Yesu Keliso ye hemaisahaida na iya debanaena hededehenamwa ye mose Abelahama unai wa bena ye laoma dagela tamowaidiyao udiyedi. Kaniyona ede bena sunuma debanaena Yaubada Yaluwa Tabuna ye hededehesunuma wa kabo ta hai.

Ye masalahakalili meta laugagayo nige gonowana tamowai hesau ye tolehedudulai Yaubada matanaena, matawuwuna ede, “Taumiyamiyadudulai meta sunuma debanaena kabo se mauli.”