Beliebte Verse in كْلْسِ 3

Teilen

وٌ شَ وٌ بٌرٍ سُتُرَ، وٌ مَن شَ هِننّ وٌ بٌرٍ رَ. شَ مِشِ ندٍ بَرَ قٍ حَاشِ رَبَ عَ بٌرٍ رَ، نَ كَنيِ شَ دِحّ عَلْ عَلَ شَ مِشِ سُفَندِشِ دِحّشِ وٌ مَ كِ نَشّ.

وٌ شَ عَرِيَننَ قٍ قٍن، دُنِحَ قٍ مُ عَ رَ.

وٌ قٍ نَشَن بِرِن نَبَمَ، وٌ شَ عَ رَبَ وٌ بْحّ قِيشّشِ نَن نَ، عَلْ وٌ عَ رَبَمَ مَرِفِ بّ كِ نَشّ. وٌ مُ عَ رَبَمَ مِشِيٍ شَ بّ.

عَلَ وٌ تَن نَن سُفَندِشِ، وٌ بَرَ قِندِ سّنِيّنتْييٍ رَ، عَلَ شَنُنتٍنيِيٍ. وٌ لَن نّ وٌ شَ كِنِكِنِ مِشِ مَ، وٌ بْحّ شَ قَن، وٌ شَ وٌ يّتّ مَفٌرٌ، وٌ بْحّ شَ بّشِ، وٌ شَ دِحّ.

عَلَ شَ مِشِ سُفَندِشِ شَ مَسٍنيِ قَنيِ شَ لُ وٌ بْحّ كُي. وٌ شَ وٌ بٌرٍ شَرَن، وٌ مَن شَ مَرَ سِ نُن لْننِ قِ وٌ بٌرٍ مَ. وٌ شَ نَ رَبَ سُوكِ نُن بّيتِ رَ نَشَن قَتَنشِ عَلَ شَشِلِ سّنِيّنشِ رَ. وٌ شَ عَلَ تَنتُ نَ بّيتِيٍ رَ، عٍ شَ كٍلِ وٌ بْحّ يَتِ يَتِ نَن كُي. وٌ قٍ نَشَن بِرِن قَلَمَ، وٌ قٍ نَشَن بِرِن نَبَمَ، وٌ شَ نَ بِرِن نَبَ وٌ مَرِفِ عِسَ شِلِ رَ. وٌ شَ بَبَ عَلَ تَنتُ عِسَ سَابُي رَ.

نَشَن دَنفِ عَ بِرِن نَ، وٌ شَ وٌ بٌرٍ شَنُ بَرِ مَ نَ قِندِ مَ لَنيِ قَنيِ رَ.

شَ نْندِ نَ عَ رَ، وٌ نُن عَلَ شَ مِشِ سُفَندِشِ نَن بِرِن نَكٍلِشِ قَشّ مَ، وٌ شَ عَرِيَننَ قٍن، عَلَ شَ مِشِ سُفَندِشِ مَفٌرٌشِ عَلَ يِرٍقَنيِ مَ دّننَشّ.

عَلَ شَ مِشِ سُفَندِشِ نُ وَ مَ لَنيِ نَشَن شْن وٌن بّ، وٌن بْحّ شَ بِرَ نَ لَنيِ قْشْ رَ. عَلَ بَرَ وٌ شِلِ وٌ شَ قِندِ قَتٍ كٍرٍن نَ، لَنيِ شَ لُ وٌ تَفِ. وٌ شَ عَلَ تَنتُ نَ مَ.

نَ نَن عَ تٌشِ وٌ لَنمَ وٌ شَ عَدَ مَدِ شَ قٍ كٌبِ بِرِن نَبّحِن؛ يّنّ قٍ، لَنفٌي قٍ، قٍ سّنِيّنتَرٍ، كٌرِنتٍحَ نَشَن مَنِيَشِ كُيٍ بَتُقٍ رَ.

بَرِ مَ وٌ بَرَ قَشَ، وٌ شَ سِمَيَ قَ نْشُنشِ عَلَ شَ مِشِ سُفَندِشِ شَ قٍ عِ عَلَ شَ قٌنِسِرٍيَ كُي.

كْنْ يَكْسِ، وٌ شَ يِ قٍ بِرِن بّحِن؛ بْحّتٍ، فٍرٍ سٌقٍ، قٍ حَاشِ، مِشِ شِلِ كَنَقٍ، نُن كٌنبِ.

وٌ نَشَ وُلٍ قَلَ وٌ بٌرٍ بّ. وٌ بَرَ نَ حّرّ كِ قٌرِ بّحِن، عَلَكٌ وٌ شَ حّرّ كِ نّينّ سُشُ، نَشَن لَنمَ عَلَ حّرّ كِ مَ. نَ كُي، وٌ قَمَ عَلَ كٌلٌندٍ عَ قَنيِ رَ. نَ بِرِن لُمَ عَلْ مِشِ نَشَن دُفِ قٌرِ بَمَ عَ مَ، عَ دُفِ نّينّ رَفٌرٌ عَ مَ.

شّمّيٍ، وٌ شَ وٌ شَ فِنّيٍ شَنُ، وٌ نَشَ حَاشُ عٍ رَ.

دِ مّدِيٍ، وٌ شَ وٌ بَرِ مِشِيٍ شُي رَتِنمّ قٍ بِرِن كُي، بَرِ مَ نَ رَقَن مَرِفِ مَ.

فِنّيٍ، وٌ شَ لُ وٌ شَ مْرِيٍ شَ يَامَرِ بُن مَ، عَلْ مَرِفِ وَ مَ عَ شْن مَ كِ نَشّ.